Aung Lynn Htut with Collin Powell

Aung Lynn Htut with Collin Powell

Thursday, July 23, 2015

ဒုတိယဗိုလ်မှူးကြီးမောင်အေးရဲ့ ကိုယ်ရေးအရာရှိကို ဘယ်သူသတ်တာလဲ?






ဒုတိယဗိုလ်မှူးကြီးမောင်အေးရဲ့ ကိုယ်ရေးအရာရှိကို ဘယ်သူသတ်တာလဲ?
လက်စောင်းထက် Tomorrow-ဂျာနယ်

လွန်ခဲ့သော ကိုးနှစ်ကျော် ကာလ၊၂၀၀၅ ခုနှစ် ဇန်န၀ါရီလ ၂၁ ရက်နေ့
ည ၁၁ နာရီဖြစ်သည်။
ရှစ်မိုင်၊ စစ်ရုံးသစ်ကြီး၏အဆောင်(၁)အပေါ်ဆုံးထပ်ရှိ ဒုတိယတပ်မတော်
ကာကွယ်ရေး ဦးစီးချုပ်၊ ဒုတိယဗိုလ်ချုပ်မှူးကြီး မောင်အေး၏ ကပ်ရက် အခန်းထဲမှ ဒိုင်းကနဲပေါ်ထွက်လာသောသေနတ်သံကြောင့် ကာကွယ်ရေး
ဦးစီးချုပ်ရုံးစိုက်ရာ အဆောင်(၁) တစ်ခုလုံး အလုပ်လုပ်နေသော
အရာရှိစစ်သည်များ တုန်လှုပ်သွားသည်။
အကြောင်းကလည်း ရှိနေသည်။
တပ်မတော် ထောက်လှမ်းရေးတပ်ဖွဲ့တစ်ခုလုံးကို ဖြိုခွဲထားသည်မှာ
မကြာသေးသဖြင့် မကျေနပ်သူတစ်ဦးဦးက တပ်ချုပ်ကို ဖြစ်စေ ဒုတပ်ချုပ်ကို ဖြစ်စေလုပ်ကြံလိုက်လေသလောဟု အချင်းချင်း တီးတိုး ပြောနေကြသည်။
သေနတ်သံကြားပြီးသည်နှင့်ဒုတိယ ဗိုလ်ချုပ်မှူးကြီး မောင်အေးကို သူ့ကိုယ်ရေးအရာရှိ ရုံးခန်းတွင်တွေ့လိုက်ကြရသည်။
မြင်လိုက်ရသည်က ကိုယ်ရေး အရာရှိသည် အဆောင်အယောင်
သေနတ်ဖြစ်သော Colt ခြောက်လုံးပြူး သေနတ်ကို ပါးစပ်တွင်ငုံပြီး
မောင်းခလုတ်ဆွဲကာ သူ့ကိုယ်သူသတ်သေသွားသည့် မြင်ကွင်းပင် ဖြစ်သည်။
ဗိုလ်ချုပ်ကြီး မောင်အေးသည်သူ့တပည့် အလောင်းအနီး ကုလားထိုင်တွင် ခြေပစ်လက်ပစ်ထိုင် လိုက်ရင်း
“ဘာကြောင့် မင်း ဒီလိုလုပ်လိုက်ရတာလဲ။ ဒီလို လုပ်စရာလိုလို့လားကွာ။
မင်းနဲ့ငါ တွဲလာတာ ၁၇နှစ်ရှိပါပြီ”
ဆိုသည့် စကားများ ရေရွတ်နေသည်ကိုရောက်လာသည့်သူများ ကြားလိုက်ရ
သည်။
အဆောင်(၁)တွင်ပင် အခန်းချင်း မလှမ်းမကမ်းရှိသော
တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး သန်းရွှေသည်
မည်သည့် အဖြေထွက်မည်ကို ကြိုသိနေသည့် ပရောဟိတ်အလား ကွမ်းစားရင်း တီဗီအကြည့်မပျက်သည်ကတော့ သွေးအေးလွန်းသည် ခေါ်ရမည်လော၊ 
ထူးဆန်းသည်ဟု ခေါ်ရမည်လော မည်သူမှ မသိနိုင်။
အမှန်ကတော့ ဤသို့ဖြစ်ရန် ဇာတ်ညွှန်းရေးခဲ့သူမှာ ဗိုလ်ချုပ်မှူးကြီး
သန်းရွှေကိုယ်တိုင်ပင် ဖြစ်သည်လားဆိုသည်ကလည်းပဟေဠိတစ်ခုပင်။
ဇာတ်လမ်းအစမှာ တပ်မတော် ထောက်လှမ်းရေးများကို ဖြိုခွဲပြီးနောက် ယခုရန်ကုန် ဟိုတယ် တည်ရှိရာ ရှစ်မိုင်ရှိ ထောက်လှမ်းရေးရုံးမှ လူကြီးများနှင့် ပတ်သက်သည့် ဖိုင်တွဲများကို ရှာဖွေပြီး ဗိုလ်ချုပ်မှူးကြီးသန်းရွှေထံ ပို့ရသည်။
ဤကိစ္စသည် ဗိုလ်ချုပ်မှူးကြီးသန်းရွှေအတွက် သေရေးရှင်ရေးတမျှ
အရေးကြီးနေသည်။
ထောက်လှမ်းရေး တပ်ဖွဲ့ဝင် အချို့ကိုအာဏာ အလွဲသုံးစား လုပ်ခြင်း၊ 
စီးပွားရေး သောင်းကျန်းခြင်းဟုဆိုကာဖမ်းဆီး ထောင်ချခဲ့သည့်အတွက်
ကျန်သည့်သူများရော မည်မျှကင်းရှင်းနေလို့လဲဟုဆိုကာသူ၏တပည့်များကို အမှုတွဲများ ပြင်ဆင် ခိုင်းထားသောကြောင့် ဖြစ်သည်။
ဗိုလ်ချုပ်မှူးကြီး သန်းရွှေထံ ရောက်လာသော ဖိုင်တွဲများထဲမှ
သူ့မိသားစုနှင့် ပတ်သက်သောဖိုင်တွဲများမှာ မည်သူမှ ဖတ်ခွင့်မရလိုက်ဘဲ အစ ဖျောက်လိုက်သော်လည်း ကျန်သည့် တပ်မတော် လူကြီးများ၏ဖိုင်တွဲများကိုမူ သူဖတ်ရှုပြီးသည်နှင့်သက်ဆိုင်ရာ လူကြီးများထံ ပေးပို့ခိုင်းသည်။
ဖိုင်တွဲ တစ်ခုသည်လည်း ဒုတိယဗိုလ်ချုပ်မှူးကြီး မောင်အေး လက်ဝယ်ရောက်လာသည်။
ထိုဖိုင်တွင် ဒုတိယ ဗိုလ်ချုပ်မှူးကြီးမောင်အေးနှင့် ပတ်သက်သည့်
အတွင်းသတင်းများကို ဖော်ပြထားပြီးထိုသတင်းများကို ကိုယ်ရေးအရာရှိ၏
ဇနီးထံမှ ထောက်လှမ်းရေးက ရရှိကြောင်းဖော်ပြထားသည်။
ထို့အပြင် ကိုယ်ရေးအရာရှိဖြစ်သူဒုဗိုလ်မှူးကြီးက ကုန်သွယ်ရေးမူဝါဒ
ကောင်စီ၏ ဆုံးဖြတ်ချက်များကိုအစည်းအဝေး ပြီးလျှင်ပြီးချင်း တရုတ်
ကုန်သည်များထံ အကြောင်းကြားခြင်း၊ နှစ်ပတ် တစ်ခါ ပြောင်းလဲသွားသည့် 
မူဝါဒကို ကြိုတင်သိရှိခွင့်ရသော တရုတ်ကုန်သည်များက စီးပွားရေးအရ
အကျိုးအမြတ်များစွာ ရရှိခြင်းမှသည် ထိုစဉ်က တရားမ၀င် လုပ်ငန်းဖြစ်သော ဒေါ်လာ အရောင်းအ၀ယ် လုပ်ငန်းကြီး တစ်ခုလုံးကို သူ၏ကိုယ်ရေး အရာရှိက
ဦးဆောင်လုပ်နေခြင်း၊ တရားမ၀င် ဒေါ်လာ ရောင်းဝယ်ရေး
ဈေးကွက်တွင် နေ့စဉ်ပေါက်ဈေးသတ်မှတ်ပေးနေသူမှာ သူ၏ ကိုယ်ရေး
အရာရှိ ဖြစ်နေကြောင်း ဖတ်လိုက်ရသည်။
ထိုအချိန်ရောက်မှ ဗိုလ်ချုပ်မှူးကြီးသန်းရွှေက သူ့ကို ကုန်သွယ်ရေးမူဝါဒကောင်စီဥက္ကဋ္ဌ ရာထူးက ဖယ်ရှားလိုက်သည့် အကြောင်းရင်းကို ဒုတိယဗိုလ်ချုပ်မှူးကြီး မောင်အေး တစ်ယောက် သိလိုက်ရသည်။
ဖိုင်တွဲကို ဖတ်ရှုပြီး အလွန်စိတ်ဆိုးသွားသော ဒုတိယဗိုလ်ချုပ်မှူးကြီး မောင်အေးက ဖိုင်တွဲကိုဖတ်ပြီးသည်နှင့် သူ၏ကိုယ်ရေးအရာရှိဖြစ်သူ ဒုဗိုလ်မှူးကြီးကိုခေါ်ကာ
“ရော့ ဒီဖိုင်က မင်းနဲ့ ပတ်သက်နေတယ်။မင်းဟာမင်းဖတ်ပြီး ဆုံးဖြတ်”ဟု ပြောလိုက်သည်။
ဗိုလ်ချုပ်မှူးကြီး၏ တွက်ကိန်းမှာဒုတပ်ချုပ်က သူ့တပည့်ကို ကာကွယ်
လျှင် တစ်ခါတည်းရောပြီး အနားပေးရန်ဖြစ်သည်။
တပ်ချုပ်သည် ဗိုလ်ချုပ် ခင်ညွန့်အကူအညီဖြင့် ဗိုလ်ချုပ်မှူးကြီး စောမောင်ကို အာဏာသိမ်းခဲ့သလို သူ့ကို တပ်ချုပ်ခန့်ရန် အမိန့်ပေးခဲ့သော ဗိုလ်ချုပ်ကြီး နေ၀င်းကိုလည်းနေအိမ်အကျယ်ချုပ် ဘ၀ဖြင့် ဘ၀ဇာတ်သိမ်းစေခဲ့သည်။
ဗိုလ်ချုပ်ကြီး ခင်ညွန့်နှင့် ထောက်လှမ်းရေး တစ်ဖွဲ့လုံးကို ဖြိုခွဲလိုက်ချိန်တွင် သူ့အတွက်ကြောက်စရာလူဟူ၍ တပ်မတော်ကိုလက်ထဲတွင် ကိုင်ထားသော ဒုတပ်ချုပ်တစ်ယောက်သာ ရှိတော့သည်။
ထို့ကြောင့် ထောက်လှမ်းရေးနှင့် ရောပြီး ဒုတပ်ချုပ်ကိုပါ ရှင်းထုတ်ရန်
အကွက်ချလိုက်ခြင်း ဖြစ်သည်။
ဖိုင်ကို ဖတ်ပြီးသည်နှင့်ဒုဗိုလ်မှူးကြီး ငိုက်စိုက်ကျသွားသည်။
ထိုစီးပွားရေးလုပ်ငန်း အားလုံးကို သူနှင့်ဗိုလ်ချုပ်ကြီး ခင်ညွန့်၏ကိုယ်ရေးအရာရှိ
တို့အပြင် ထောက်လှမ်းရေးမှအခြားဗိုလ်မှူး တစ်ဦးတို့ သုံးယောက်ပေါင်း လုပ်ခြင်းဖြစ်သည်။
ထို့အပြင် ဆရာသမား၏သတင်းများသည်လည်း မိမိဇနီးထံမှတစ်ဆင့် ပေါက်ကြားခဲ့သည်။
သို့သော် ထောက်လှမ်းရေး ရီပို့တွင်မိမိတစ်ယောက်တည်းကိုသာ
ဖော်ပြထားသည်။
ထောက်လှမ်းရေးများကို ကျူပင်ကျူငုတ်မကျန် ခုတ်နေသော အချိန်တွင် ဤဖိုင်ကြောင့် မိမိဆရာသမားပါ ထိခိုက်တော့မည်။
မိမိဆရာသမားကိုလည်း တစ်လက်စတည်း ရောရှင်းရန် ဗိုလ်ချုပ်မှူးကြီး
ကြံစည်လိုက်ခြင်း ဖြစ်သည်ကို စစ်ရုံးတွင် အနေကြာပြီ ဖြစ်နေသော
ဒုဗိုလ်မှူးကြီးက သဘောပေါက်လိုက်သည်။
အဖြစ်မှန်ကလည်း သူတွေးသလိုပင် ဖြစ်သည်။
ဤကိစ္စကို အကြောင်းပြုပြီးမိမိဆရာသမားလည်းဖယ်ရှားခံရတော့မည်ကို သိလိုက်သော သူ့အတွက် အဖြေက တစ်ခုတည်းသာ ရှိတော့သည်။
ထို့ကြောင့် ညနေတွင် ဆရာသမားကိုခွင့်တောင်းပြီး အိမ်ပြန်သည်။
သားသမီးများကို နောက်ဆုံးတွေ့ဆုံရန် သွားခြင်း ဖြစ်သည်။
အိမ်တွင် ဇနီး ဖြစ်သူကို ညစာစားမည်ပြောပြီးမှ မစားဘဲ ရုံးသို့ ပြန်လာခဲ့သည်။
သူ့ဘ၀အတွက် ပြင်မရတော့မည့်ဆုံးဖြတ်ချက် တစ်ခုကို ချရသည်မှာ
လွယ်ကူသော ကိစ္စမဟုတ်ပါ။
ညဖက်ရုံးတွင် ထိုင်ရင်း သူ့ဆုံးဖြတ်ချက်ကို အပြန်ပြန် အလှန်လှန် စဉ်းစား
နေစဉ် ဗိုက်ကဆာလာသည်။
ထို့ကြောင့် ရုံးခန်းထဲတွင်ရှိသော သူ့တပည့် တပ်ကြပ်ကြီးကို ခေါ်လိုက်
သည်။
"ငါ့အတွက် ခေါက်ဆွဲပြုတ်လေး လုပ်ကွာ"ဟု ပြောရင်း သူ့လက်မှ တန်ဖိုးကြီး လက်ပတ် နာရီကို ချွတ်ကာသူ့တပည့် လက်ထဲ ပေးလိုက်ရင်း 
ရော့ ဒါမင်းဖို့ ငါ့ရဲ့လက်ဆောင်ဟု ပြောလိုက်သည်။
တပည့်ဖြစ်သူမှာ ယနေ့အတွက်ဆရာဖြစ်သူ ထူးခြားနေသည်ကို
သတိပြုမိသော်လည်း သူ့ဆရာ၏ဘ၀ဇာတ်သိမ်းခန်း ရောက်နေပြီကို 
မသိဘဲ ခေါက်ဆွဲပြုတ်ရန် အတွင်းခန်းဝင်သွားသည်။
ထိုအချိန်တွင်ပင် သေနတ်သံကြောင့်ပြေးထွက်လာချိန်တွင် သူ့ဆရာ၏ 
ဘ၀ ဇာတ်သိမ်းခန်းကို မြင်တွေ့လိုက်ရခြင်း ဖြစ်သည်။
စားပွဲ ပေါ်တွင်မူ တစ်ကြောင်းတည်း ရေးထားသည့် စာလေးတစ်စောင် ရှိနေပြီး “ဉာဏ်စိုး အားလုံး သိပါတယ်”ဟု ရေးထားသည်။
ညတွင်းချင်း အပြင်သို့ ထွက်ပေါ်လာသည့် သတင်း တစ်ခုကတော့ 
ဆရာတပည့် နှစ်ယောက် စကားများပြီးအရက်မူးနေသည့် ဒုတပ်ချုပ်က
သူ့တပည့်ကို ပစ်သတ်လိုက်သည်ဟု ဖြစ်သည်။
ထောက်လှမ်းရေး တပ်ဖွဲ့ဝင်များကို အရေးယူရန် ဖွဲ့စည်းပေးထားသော ဗိုလ်ချုပ်ကြီး သူရရွှေမန်း ခေါင်းဆောင်သည့် ၁၂ဦး ကော်မတီ အစည်းအဝေး
တွင်မူ အဆိုပါ ကိုယ်ရေးအရာရှိသည်အိမ်ထောင်ရေး ပြဿနာကြောင့် သူ့ကိုယ်သူ အဆုံးစီရင်ခြင်းဟု ကြေညာကာ လူတစ်ယောက်၏
ဘ၀ဇာတ်သိမ်းပိုင်းကို သွေးအေးစွာဖြင့်ပယ်ဖျက်လိုက်ကြသည်။
တပည့်ဖြစ်သူ အသက်နှင့် ရင်းသွားသဖြင့် ဒုတပ်ချုပ်ကြီးကို အနားယူခိုင်းရန် ကြံစည်ထားသည့် အစီအမံလည်းပျက်သွားခဲ့သလို နှစ်ဦးစလုံး တပ်မှ
အနားယူသည်အထိ ဆက်ဆံရေး အေးခဲသွားကြောင်း၊ ဒုတပ်ချုပ် အနေဖြင့် အရက်ကိုသာ နေ့ည အဖော်ပြုရင်း သူ၏ တပ်မတော်အရာရှိဘ၀ နောက်ဆုံးပိုင်းကို ဖြတ်သန်းသွားခဲ့ကြောင်းကို တပ်မတော်အသိုင်းအ၀ိုင်းမှ အရာရှိကြီးများကမြင်တွေ့နေရသော်လည်း ဒုဗိုလ်မှူးကြီး၏ ဘ၀ဇာတ်သိမ်းသွားရခြင်း ဖြစ်ရပ်အမှန်ကိုတော့ အများစုကယနေ့အထိ မသိ ရှိခဲ့ကြပါ။
ဤဖြစ်ရပ် ဖြစ်ပွားပြီး ထူးဆန်းသည့်အချက် နှစ်ချက်ကို တွေ့ရသည်။
ပထမ တစ်ချက်မှာ ဒုတိယဗိုလ်ချုပ်မှူးကြီး၏ ရုံးအဖွဲ့ဝင်
အခြားအဆင့်လေးဦး တပ်မှနှုတ်ထွက်စာတင်ပြီး ထွက်သွားခြင်း ဖြစ်သည်။
ဒုတိယအချက်မှာ မိမိကိုယ်ကိုသေကြောင်းကြံခဲ့သော သူကို တပ်တွင် ထုံးစံမရှိသော်လည်း စစ်အခမ်းအနားဖြင့် သင်္ဂြိုဟ်ပေးခဲ့ခြင်း ဖြစ်သည်။
အလားတူ
“ဉာဏ်စိုးအားလုံး သိတယ်” ဆိုသည့် စာကလည်း ယခုအချိန်အထိ ပဟေဠိဖြစ်နေဆဲပင်။
#‎လက်စောင်းထက် Tomorrow-ဂျာနယ်

Tuesday, July 21, 2015

ကာကွယ်ရေးဦးစီးချုပ် သမ္မတတာဝန်ယူဖို့ ပြည်သူ့တောင်းဆိုမှုပေါ် မူတည်



ကာကွယ်ရေးဦးစီးချုပ် သမ္မတတာဝန်ယူဖို့ ပြည်သူ့တောင်းဆိုမှုပေါ် မူတည် 
 
 http://burmese.voanews.com/content/senior-general-min-aung-hlaing-commander-in-chief-of-defence-services-/2871463.html
21.07.2015 10:25
မြန်မာတပ်မတော် အကြီးအကဲက တိုင်းပြည်နဲ့ ပြည်သူက တောင်းဆိုလာရင် သမ္မတလုပ်ရမဲ့ တာဝန်ရှိနေတယ်လို့ ထူးထူးခြားခြား BBC နဲ့ တွေ့ဆုံခန်းမှာ ထုတ်ပြောလိုက်ပါတယ်။
ကာကွယ်ရေးဦးစီးချုပ် ဗိုလ်ချုပ်မှုးကြီး မင်းအောင်လှိုင်က ထာဝရငြိမ်းချမ်းရေးရမှ DDR လို့အတိုခေါက်ခေါ်တဲ့ လက်နက်စွန့်ပြီး (ဒါမှမဟုတ်) လုံခြုံရေးပေါင်းစည်းမှုလုပ်ပြီးမှ တပ်မတော်အနေနဲ့ နိုင်ငံရေးကနေ ဆုတ်ပေးမယ်လို့ ထုတ်ပြောခဲ့ပါတယ်။ ခုလို ပြောလိုက်တာရဲ့ ထူးခြားမှုအပေါ် မြန်မာ သံမှူးဟောင်းနဲ့ စစ်ထောက်လှမ်းရေး အရာရှိဟောင်း ဗိုလ်မှူးဟောင်း ဦးအောင်လင်းထွဋ်ရဲ့ သုံးသပ်ချက်ကို ကိုဝင်းမင်းက မေးမြန်းတင်ဆက်ထားပါတယ်။
မေး။ ။ ဟုတ်ကဲ့၊ ဦးအောင်လင်းထွဋ်ခင်ဗျား၊ ဘီဘီစီနဲ့မကြာခင်ကလုပ်တဲ့အင်တာဗျူးမှာ ဗိုလ်ချုပ်မှူးကြီး မင်းအောင်လှိုင်ကနေပြီးတော့ တိုင်းပြည်အတွက် လိုအပ်လာရင် - ပြည်သူကတောင်းဆိုလာလို့ရှိရင်ပေါ့လေ သမ္မတလုပ်ဖို့ စဉ်းစားနိုင်တယ်ဆိုတဲ့သဘောမျိုးကို ယေဘုယျအားဖြင့် ပြောခဲ့တာတွေ့ရပါတယ်။ အဲလိုပြောခဲ့တာမှာ ဘယ်လို ထူးခြားမှုတွေ တွေ့ရပါသလဲ၊
ဖြေ။ ။ ထူးခြားမှုအနေနဲ့ပြောရင်တော့ သူတို့ အစီအစဉ်အရပေ့ါလေ- ဗိုလ်ချုပ်မှူးကြီးမင်းအောင်လှိုင်က သမ္မတလုပ်ကောင်း လုပ်လာ နိုင်ပါလိမ့်မယ်။ ၂၀၁၅ နှစ်ဆန်းပိုင်းလောက်ကတည်းက ဒီ plan ကို သူတို့လုပ်ခဲ့တယ်ဆိုတဲ့ဥစ္စာကို ကျနော်သိရပါတယ်။ ဒါပေမယ့် အခုလို ဘာလို့ မတင်မကျ ပြောထားရသေးလဲဆိုတော့ သူတို့စောင့်နေတာကတော့ ရွေးကောက်ပွဲရလဒ်ပေါ်မူတည်ပြီးတော့မှ တပ်မတော်သား ၂၅ % ရှိနေပြီးပြီ။ တပ်မတော်ကို လိုလားတဲ့ ထောက်ခံတဲ့ ၂၆ % ထပ်ရမယ်ဆိုရင် ၅၁ % ဆိုလို့ရှိရင် သမ္မတလုပ်လို့ ရမယ့်အနေအထားမျိုး ရှိပါတယ်။ အဲဒီအခါကျရင်တော့ ပြည်သူလူထုက တောင်းဆိုချက်အရဆိုတဲ့ခေါင်းစဉ်နဲ့ ဗိုလ်ချုပ်မှူးကြီး မင်းအောင်လှိုင်ဟာ သမ္မတလုပ်လာပါလိမ့်မယ်။ ဗိုလ်ချုပ် (မှူး) ကြီး မင်းအောင်လှိုင်က ရွေးကောက်ပွဲအထိ သူက ဗိုလ်ချုပ်မှူးကြီးအဖြစ် ရှိနေအုံးမယ်။ ရွေးကောက်ပွဲပြီးတော့မှ ၂၀၁၆ မတ်လလောက်ထဲကျတော့မှ - တပ်မတော်ကနေပြီးတော့မှ ဗိုလ်ချုပ်မှူးကြီး မင်းအောင်လှိုင်ကို ဒုတိယသမ္မတအဖြစ် လျာထားပါတယ်လို့ လုပ်လိုက်ရင် ဘယ်သူမှ တားလို့ရတဲ့ အနေအထားမျိုး မရှိပါဘူး။
မေး။ ။ ဟုတ်ကဲ့၊ အခုလိုပြောတာက ပထမဆုံးထုတ်ပြောတာလို့ ပြောလို့ရနိုင်လား။
ဖြေ။ ။ အခုအချိန်က ပထမဆုံး ထုတ်ဖော်ပြောတဲ့အနေအထားလို့ပဲ ကျနော်က မြင်ပါတယ်ခင်ဗျ။ စစ်ထဲဝင်တဲ့အချိန်အခါမှာကျနော်တို့ သိရသလောက်လည်း ဗိုလ်ချုပ်မှူးကြီး သန်းရွှေကိုယ်တိုင်၊ အခု ဗိုလ်ချုပ်ရွှေမန်းရော၊ ဗိုလ်ချုပ်သိန်းစိန်ကော၊ ဗိုလ်ချုပ်မင်းအောင်လှိုင်ကော ခေါ်တွေ့ပြီးတော့မှ သြဝါဒပေးတယ်လို့ သိရပါတယ်။ ဗိုလ်ချုပ်သိန်းစိန်အနေနဲ့ သူ့ရဲ့ရောဂါအရကော၊ မလုပ်ချင်တဲ့အနေအထားအရရော သမ္မတအနေနဲ့တော့ သူလုပ်ချင်တဲ့ဆန္ဒ မရှိပါဘူး။ တဘက်ကလည်း ဗိုလ်ချုပ်ရွှေမန်းကို ပေးမလားဆိုတဲ့အခါကျတော့ လူတွေ ထင်ကြ တာကတော့ ဗိုလ်ချုပ်ရွှေမန်းက တပ်ကလာတယ်၊ ဗိုလ်ချုပ်ရွှေမန်းကို ပေးလိမ့်မယ်လို့ ထင်ကြပါလိမ့်မယ်။ တကယ့်တကယ်တော့ ကျနော်သိသလောက်ပေါ့လေ- ဗိုလ်ချုပ်ရွှေမန်းရဲ့အခန်းကဏ္ဍဟာ ၂၀၀၈ ခုနှစ်နောက်ပိုင်းကစပြီးတော့ ဗိုလ်ချုပ်မှူးကြီးသန်းရွှေရဲ့ ယုံကြည်မှု လျော့သွားတာ ဖြစ်ပါတယ်။ အခု လက်ရှိအနေအထားအရလည်း တပ်မတော်ထဲမှာ လက်ရှိရှိတဲ့ ဗိုလ်ချုပ်ကြီးတွေ တော်တော်များများက ဗိုလ်ချုပ်ရွှေမန်းကို ထောက်ခံတဲ့လူ အင်မတန်မှ နည်းသွားပါပြီခင်ဗျ။
မေး။ ။ ဟုတ်ကဲ့၊ အဲဒီတော့ ဦးအောင်လင်းထွဋ်- သမ္မတအဖြစ်နဲ့ အရွေးခံရမယ်ဆိုရင် သမ္မတတာဝန်ကို ထမ်းဆောင်ဖို့အတွက်ကော ဗိုလ်ချုပ်မှူးကြီးမင်းအောင်လှိုင်ရဲ့အရည်အချင်းအနေအထား ကိုရော ဦးအောင်လင်းထွဋ် တွေ့ကြုံခဲ့တဲ့အနေအထားတွေက ဘယ်လို သုံးသပ်မိသလဲ။
ဖြေ။ ။ ဗိုလ်ချုပ်မှူးကြီး ဖြစ်ပြီးတဲ့နောက်ပိုင်းမှာ နိုင်ငံခြားခရီးစဉ်တွေ သွားတာပြုတာတွေ အားလုံးတွေ့ရမှာဖြစ်ပါတယ်။ ဒါပေမယ့် သူ့မှာ စစ်ရေးအမြင်တခုပဲ ရှိတာများပါတယ်။ နိုင်ငံရေးအမြင်မှာတော့ တော်တော်လေးတော့ နည်းတယ်လို့ ကျနော်တို့မြင်ရတယ်။ သူဟာ ခိုင်းတာလုပ်တတ်တဲ့စစ်သားတယောက်အနေနဲ့ကတော့ ကောင်းပါတယ်ခင်ဗျ။ ဒါပေမယ့် နိုင်ငံကို အုပ်ချုပ်မယ့်သမ္မတတယောက် အနေနဲ့တော့ ကျနော့အမြင်ပြောရရင် မသင့်တော်သေးဘူးလို့ မြင်ပါတယ်ခင်ဗျ။ ဒါပေမယ့် တခုပဲ၊ သူဟာ ဗိုလ်ချုပ်မှူးကြီးသန်းရွှေ အပေါ်မှာတော့ တော်တော်လေးသစ္စာရှိပြီးတော့မှ တပြည့်လက်ရင်းလို နေခဲ့တဲ့အနေအထားမျိုး ရှိခဲ့တဲ့အတွက်ကြောင့်မို့လို့တော့ ရှိပါတယ်။
မေး။ ။ ဟုတ်ကဲ့။ အဲဒီတော့ အခု ဗိုလ်ချုပ်မှူးကြီးမင်းအောင်လှိုင်နဲ့ ဘီဘီစီအင်တာဗျူးမှာ တချက် ထူးခြားတာက ငြိမ်းချမ်းရေးလုံးဝရမှ နိုင်ငံရေးတည်ငြိမ်မှု ရှိမှ အခြေခံဥပဒေကနေပြီးတော့ တပ်မတော်ကယူထားတဲ့ အထူးအာဏာတွေကို လျှော့ချပေးမယ်ဆိုတဲ့သဘောမျိုး ပြောသွားတာကို တွေ့ရပါတယ်။ အဲဒါနဲ့ပတ်သက်လို့ကော ထူးခြားမှုတစုံတရာ သုံးသပ်မိပါလား။
ဖြေ။ ။ ကျနော်တို့ရှိစဉ်ကတည်းကပေါ့လေ- တပ်မတော်အနေနဲ့ ငြိမ်းချမ်းရေးလုပ်တဲ့အခါမှာ ဗိုလ်ချုပ်မင်းအောင်လှိုင် ပြောသွားတဲ့ အထဲမှာလည်း ပါပါတယ်။ လက်နက်ကိုင်တိုင်းရင်းသားအဖွဲ့တွေအနေနဲ့ လက်နက်ကို စွန့်ဖို့ဆိုတာက ကျနော်တို့ အရင်တုန်းကလည်း ပြောခဲ့တယ်။ ဥပဒေဘောင်ထဲကိုဝင်ပါ၊ လက်နက်စွန့်ပါ-ဆိုတာ။ လက်နက်စွန့်ပြီးတဲ့အခါကျမှ ပါတီနိုင်ငံရေးလုပ်ပြီးတော့မှ ကိုယ့်ပြည်နယ်၊ ကိုယ့်ဒေသမှာ ပြန်ပြီးတော့ ရွေးကောက်ပွဲဝင်ပြီးတော့မှ အုပ်ချုပ်ကြပါ-ဆိုတဲ့လမ်းစဉ်ရှိပါတယ်။ တဘက်က အခုကြည့်တော့လည်း တိုင်းရင်းသားတွေဘက်ကလည်း တပ်မတော်ကို မယုံကြည်တဲ့အခါကျတော့ လက်နက်စွန့်ဖို့ဆိုတာ အနေအထားမရှိပါဘူး။ ဒါကြောင့်မို့လို့ လက်ရှိလုပ်နေတဲ့ငြိမ်းချမ်းရေးကလည်း ဖြစ်လည်း တဒင်္ဂ ခဏတာလောက်ပဲဖြစ်ပြီးတော့မှ အချိန်မရွေး ပြန်ပြီးတော့မှ ပေါက်ကွဲမယ့် အနေအထားမျိုး ရှိပါတယ်။ ဒါကြောင့်မို့လို့လည်း ဗိုလ်ချုပ် (မှူးကြီး) မင်းအောင်လှိုင် ပြောသွားတဲ့အထဲမှာ စစ်တပ်ကဲ့ အခန်းကဏ္ဍဟာ ငြိမ်းချမ်းရေးအတွက်ကို ရှိနေအုံးမယ်ဆိုတဲ့ အနေအထားမျိုးနဲ့ သူပြောသွားတာဖြစ်ပါတယ်ခင်ဗျ။
မေး။ ။ ဟုတ်ကဲ့။ ကျေးဇူးအများကြီးတင်ပါတယ်၊ ဦးအောင်လင်းထွဋ်။