Shwe Dagon

Shwe Dagon

Tuesday, April 26, 2016

တပ်မတော်ကိုဖြိုခွဲနေသောဗိုလ်ချုပ်ကြီးများ

Image result for Burmese GeneralsImage result for Burmese GeneralsImage result for Burmese Generals


တပ်မတော်ကိုဖြိုခွဲနေသောဗိုလ်ချုပ်ကြီးများ
ဆောင်းပါးရှင်။ အောင်လင်းထွဋ်
တပ်မတော်သည် ဗိုလ်ချုပ်အောင်ဆန်းခေါင်းဆောင်သောရဲဘော်သုံးကျိပ် သွေးသောက်သစ္စာဂတိပြု ကာပြည်သူ၏အသက်အိုးအိမ်စည်းစိမ်ကိုကာကွယ်စောင့်ရှောက်ရန်အတွက်စနစ်တကျအမျော်အမြင် ရှိရှိဖြင့်  စစ်စည်းကမ်း၊နည်းဥပဒေများ လိုက်နာရမည့်ကျင့်ဝတ်သိက္ခာများ၊ ပြဌါန်းကာ ဖွဲ့စည်းခဲ့တာပါ ဗိုလ်ချူပ်ကြီးနှင့်မိသားစုများရဲ့အသက်အိုးအိမ်စည်းစိမ်ကိုကာကွယ်ဖို့မဟုတ်သလိုလက်အောက်အရာရှိ၊စစ်သည်များသည်လဲအခိုင်းအစေကျွန်ခံဖို့တပ်မတော်ထဲဝင်ရောက်လာခြင်းမဟုတ်ကြပါ။
ယနေ့တပ်မတော်တွင်ယခင်ကောင်းခဲ့သောအစဉ်အလာများကွယ်ပျောက်၍မကောင်းသောအစဉ်လာ များထွန်းကားနေသည်ကို မည်သူမျှမငြင်းနိုင်ပါ။ အထူးသဖြင့်တပ်မတော်အတွင်းဆရာတစ်ပည့်မွေး သည့်အစဉ်လာပေါ်ထွန်းခဲ့ခြင်းသည်တပ်မတော်ပျက်စီးခြင်းအစဟုဆိုလျှင်မှားမည်မထင်ပါ။ကျွန်တော် ဂဃနန မသိပေမဲ့လေ့လာသိရှိသမျှ ဆရာတစ်ပည့်မွေးအစဉ်လာကို စတင်မွေးဖွားပေးသူမှာ ဗိုလ်ချုပ်ကြီး နေဝင်း ဟုသိရှိရပါတယ်။ဒါပေမဲ့ ဗိုလ်ချုပ်ကြီး နေဝင်း  ဟာကိုယ်တိုင် တပ်မတော် ထူထောင်ခဲ့သူ ရဲဘော်သုံးကျိပ်ဝင်တစ်ဦးဖြစ် သည့်အတွက် ယနေ့တပ်မတော်ဗိုလ်ချုပ်ကြီးများလို တော့ တပ်မတော်၏ စစ်စည်းကမ်း၊နည်းဥပဒေများ လိုက်နာရမည့်ကျင့်ဝတ်သိက္ခာများ ကိုလုံးဝပျက်စီးအောင်မလုပ်ခဲ့ဘူးလို့ထင်မိပါတယ်။
၁၉၈၈ ခုနှစ် နောက်ပိုင်း ဗိုလ်ချုပ်ကြီး များအကြောင်း ပြောရရင် အားလုံးမှတ်မိကြ လိမ့်မယ်ထင်ပါတယ် ၁၉၉၇ ခုနှစ် `နဝတ´ ကနေ `နအဖ´ ပြောင်းခဲ့တာ အားလုံးစိတ်ဝင်စားလိမ့်မယ်လို့ အဓိကပြဿနာက ဆရာတစ်ပည့်ကြောင့်ပါ။ နဝတ ခေတ်က အဆိုးဆုံးဗိုလ်ချုပ်ကြီးတွေလို့ လက်ညှိုးထိုးရင် ဗိုလ်ချုပ်ထွန်းကြည် ဗိုလ်ချုပ်မြင့်အောင် ဗိုလ်ချုပ်ကျော်ဘ တို့ကိုပြေးမြင်မိကြမှာပါ။ ဒီ () ယောက်လုံးဟာ ဗိုလ်ချုပ်မှူးကြီးသန်းရွှေ ရဲ့တစ်ပည့် အရင်းခေါက်ခေါက်တွေပါ။ ဆရာအားကိုးနဲ့ဘယ်သူကိုမှဂရုမစိုက်လုပ်ချင်တာကိုအရှက်သိက္ခာမဲ့စွာ လုပ်ခဲ့ကြသူများလဲဖြစ်ကြပါတယ်။ နဝတဖျက်ပြီးတော့အဖွဲ့ဝင်တွေအားလုံးကို ဗိုလ်ချုပ်မှူးကြီးသန်းရွှေ နုတ်မိန့်နဲ့နေအိမ်အကျယ်ချုပ်ထားပြီး နာမည်ကြီးတဲ့အဲဒီဗိုလ်ချုပ်တွေကို စစ်ထောက်လှမ်းရေးကခေါ် ယူစစ်ကြောမေးမြန်းခွင့်ရခဲ့ပါတယ်။
ဗိုလ်ချုပ်ထွန်းကြည် နဲ့ ဗိုလ်ချုပ်မြင့်အောင် ဟာ ဗိုလ်ချုပ်မှူးကြီးသန်းရွှေ တပ်မ (၈၈) တပ်မမှူးဖြစ်တဲ့ အချိန်က ဒုတိယတပ်မမှူးများ အဖြစ်အနီးကပ်တာဝန်ယူခဲ့သူတွေဖြစ်လို့ နဝတအဖွဲ့ဝင်တွေကြားမှာ ဗိုလ်ချုပ်မှူးကြီးသန်းရွှေ ၏တစ်ပည့်ရင်းလို့သတ်မှတ်ခြင်းခံရသူပါ။ ဗိုလ်ချုပ်ထွန်းကြည် ဆိုရင် ဒုတိယ တပ်ချုပ် ဒုဗိုလ်ချုပ်မှူးကြီးမောင်အေး နဲ့ စစ်တက္ကသိုလ်အပတ်စဉ်()မှာ()နှစ်ကြာသင်တန်းအတူ တက်ခဲ့သည့်အတွက် နအဖ မတိုင်ခင် နဝတ ခေတ်မှာ ဘယ်သူမျှမထိရဲအောင်တန်ခိုးထွားခဲ့ကြ ပါတယ်
ဗိုလ်ချုပ်ထွန်းကြည် နဲ့ ဗိုလ်ချုပ်မြင့်အောင် တို့နှစ်ဦးစလုံးဟာထောက်လှမ်းရေးစစ်ကြောရေးစခန်းမှာ အချိန်အတော်ကြာကြာ စစ်ထောက်လှမ်းရေးအရာရှိတွေနဲ့တွေ့ဆုံမေးမြန်းခဲ့ရပါတယ်။ နောက်ပိုင်းမှာ တော်တော်လေးရင်းနှီးခဲ့တယ်လို့တောင်ပြောလို့ရပါတယ်။စစ်ထောက်လှမ်းရေးက ဗိုလ်ချုပ်ထွန်းကြည် အိမ်ကိုရှာသည့်အခါ အခန်းတစ်ခုတည်းမှာပင် မြန်မာကျပ်ငွေတွေကို မြွေရေခွံအိတ်များထည့်ထားတာ အခန်းပြည့်တွေ့ပြီးသိမ်းဆီးမိခဲ့ရပါတယ်။ အမျိုးသမီးကိစ္စအရှူပ်အရှင်းတွေစစ်မေးတော့ စစ်ကြောသူ တွေကြားမှာ ဟာသဖြစ်ခဲ့ရတယ်။ ဗိုလ်ချုပ်ထွန်းကြည် က `မင်းတို့ဒီကိစ္စတော့ငါ့ကိုယုံပါငါ့ဟာမလာ တော့ဘူးဒါပေမဲ့ယောက်ျားဆိုတော့စိတ်တော့ရှိတာပေါ့ကွာ၊´ လို့ပြောခဲ့ဘူးတယ်။ နောက်ပိုင်းသူပြော ပြတာက အဲဒီအချိန်က နာမည်ကြီးညီအစ်မသုံးယောက်ကို ကိုယ်လုံးတီးချွတ်လမ်းလျောက်ခိုင်းပြီး မျက်စိအရသာခံတာတွေတော့ လုပ်ခဲ့တာတွေရှိခဲ့တယ်ဆိုတာတွေပါ ငွေကြေးမသမာမှုတွေ နဲ့ မဟုတ်တာလုပ်တာတွေကအများကြီးပါ။
ဗိုလ်ချုပ်မြင့်အောင် ဗိုလ်ချူပ်ကျော်ဘ ကတော့          လိုင်းပေါင်းစုံတယ် ငွေမိန်းမ အစုံဘ။ဲ အိမ်ကမိန်းမတွေ ကိုတော့ ရုံးမှာအလုပ်များလို့ ညဘက်ရုံးမှာညအိပ်ရမည်လို့       ဝန်ကြီးတွေကို ဗိုလ်ချုပ်မှူးကြီးသန်းရွှေ ကပြောထားတယ် ဆိုသည့်အကြောင်းပြချက်နဲ့ စစ်ရုံးက ညကျောင်းပြန်တာနဲ့ မိန်းမငယ်တွေအိမ်ကို အသီးသီးရောက်သွားကြတယ် ဗိုလ်ချုပ်မြင့်အောင် ဆိုနောက်ပိုင်းဘယ်လောက်ဆိုးလာသလဲဆိုရင် သမီးအရွယ် ရုပ်ရှင်မင်းသမီးလေးတွေပါမကျန် ငွေနဲ့ လုပ်ပိုင်ခွင့်ပေးပြီး နှာဘူးထခဲ့ပါတယ် ကိုယ်ရေး အရာရှိလုပ်သူက သူသွားလေရာအိပ်လေရာ နေရာတိုင်းမှာ အတူအိပ်ဖို့ မိန်းမရှာထားရပြီး မလုပ်ထားရင်သောင်းကျန်းတော့တာပါဘဲ။  ဗိုလ်ချူပ်ကျော်ဘ ကတော့နည်းနည်းညက်တယ် အကောင်းစားလေးတွေကိုဘဲ ရွေးတယ်။
အဲဒီ ဗိုလ်ချုပ်တွေနဲ့ပတ်သက်ခဲ့တဲ့ မ်ိန်းမတွေ ကို အဲဒီတုံးက ရန်ကုန် သမိုင်းကသတင်းတပ်ဖွဲ့ရုံးရှိသည့် အမျိုးသားထောက်လှမ်းရေးဝင်းထဲမှာ နေ့ည စစ်ခဲ့ကြတယ် နာမည်ကြီးသရုပ်ဆောင်အမျိုးသမီးတွေပါ အစစ်ခံရတဲ့နေရာဖြစ်လို့ပွဲစီတယ် အမျိုးသမီးတွေ တော်တော်များများ စစ်ကြောရေးစခန်းမှဝန်ခံခဲ့ကြပါ တယ် ငြင်းလို့မရတဲ့အထောက်အထားတွေကလဲရှိနေခဲ့တာကို စစ်ကြောချက်မှတ်တမ်းတွေကို စုပြီးစာအုပ်တစ်အုပ်ရေးရင် ကမ္ဘာကျော်သွားနိုင်တယ် အဲဒီလို စစ်ကြောမေးချက်တွေကို စုစည်းပြီး ဗိုလ်ချုပ်ကြီးတွေ၏ စစ်စည်းကမ်းဖေါက်မှု မသာမာမှု ဥပဒေကျူးလွန်မှု များကို ဗိုလ်ချုပ်မှူးကြီးသန်းရွှေ ထံအစီရင်ခံသည့်အခါမှာတော့ မင်းတို့ထောက်လှမ်းရေး ဒီကောင်တွေကို ဘာ မှမလုပ်နဲ့ ပြန်လွှတ်ပေးလိုက်ဆိုသည့် အမိန့်ပေးလိုက်ပါတော့တယ်။
သိပ်မကြာလိုက်ပါ ဗိုလ်ချုပ်မှူးကြီးသန်းရွှေ ၏ရုံးမှနေ၍ စစ်ထောက်လှမ်းရေးအနေဖြင့် တပ်မတော်အရာရှိကြီးများ နှင့် ဝန်ကြီးများအား စုံစမ်းခြင်း မေးမြန်းခြင်း ထောက်လှမ်းခြင်း ကို ကကကြည်း၏ခွင့်ပြုချက်မရဘဲမလုပ်ရ ဟူသောအမိန့်ထွက်လာပါတော့သည်။ ဒီအမိန့်သည်အပေါ်ယံ ကြည့်လျှင် စစ်ထောက်လှမ်းရေးကို နှိပ်ကွပ်သည်ဟုထင်စရာအကြောင်းရှိသောလဲ အမှန်တစ်ကယ် တော့ တပ်မတော်အတွင်းအဆင့်တန်းအားလုံးလုပ်ချင်တာလုပ်လို့ရတယ် စစ်စည်းကမ်း၊နည်းဥပဒေ များ လိုက်နာရမည့်ကျင့်ဝတ်သိက္ခာများ၊ စောင့်စည်းစရာမလိုဘူးဆိုသည့်သဘောမျိုးဖြစ်ခဲ့ပါတယ်။
တပ်မတော် အောက်ခြေအဆင့်များအနေဖြင့် ရှေ့တန်းစစ်မြေပြင်များတွင် စစ်သားလုပ်ချင်တာလုပ်လို့ ရတယ်ဆိုသည့် အတွေးအခေါ်များဝင်လာပြီး လူသတ် မုဒိန်းကျင့် ဆက်ကြေးငွေတောင်းတာတွေ ဖြစ်လာခဲ့ပါ တယ် အချို့ အရာရှိတွေကိုယ်တိုင်ဒီလုပ်ရပ်တွေကို ကျူးလွန်ခဲ့ကြတာတွေရှိခဲ့ပါတယ်။ ဗိုလ်ချုပ်ကြီးတွေ အဆင့်ကတော စီးပွါးရေးလုပ်ငန်းရှင်ကြီးတွေနဲ့ပေါင်းပြီးမိသားစုလိုက် စီးပွါးရေးလုပ် လာ ကြတယ် ဗိုလ်ချုပ်မှူးကြီးသန်းရွှေ မိသားစုအနေဖြင့်လဲ ၁၉၉၈ ခုနှစ်နောက်ပိုင်းကစပြီး စီးပွါးရေး ပိုသောင်းကျန်းလာသည့်အခြေအနေတွေရှိခဲ့တာတွေကို တွေ့ခဲ့ရပါတယ်။  အဆိုးဆုံးကာလကတော့ ၂၀၀၀ ပြည့်အလွန် ထိုင်းနိုင်ငံက ဓါတ်ငွေ့ဖိုးဒေါ်တာတွေအများပြား ဗိုလ်ချုပ်ကြီးတွေရပြီးတဲ့အချိန်က စလို့ တပ်မတော်လဲဒုက္ခရောက်ရတော့တာပါဘဲ
ပညာမဲ့၊အမျော်အမြင်နည်း၊အတ္တကြီးသည့် ဗိုလ်ချုပ်ကြီးတွေလက်ထဲတိုင်းပြည်၏ ငွေတွေလက်ဝယ် ရောက်လာ သည့်အခါ မိမိတို့စောင့်စည်းရမည့်လူ့ကျင့်ဝတ်သိက္ခာတွေကိုလစ်လျူရှု ပြီး စစ်စည်းကမ်း၊နည်းဥပဒေများ လိုက်နာရမည့်ကျင့်ဝတ်သိက္ခာများချိုးဖေါက် လုပ်ချင်တာတွေကို ထင်သလိုလုပ်နေတာဟာ တပ်မတော် ကိုပြိုကွဲအောင်လုပ်နေတာပါဘဲ ဒါကြောင့် တပ်မတော် ကိုဖြိုခွဲနေတာ လက်ရှိ စစ်ဝတ် နဲ့ အရပ်ဝတ် ဝတ်စုံဝတ်ပြီး တာဝန်ယူနေတဲ့ ဗိုလ်ချုပ်ကြီးတွေဘဲ ဖြစ်ပါတယ်။

Wednesday, April 13, 2016

ပြဿနာမျိုးစုံ ဒီမြစ်ဆုံ



http://burmese.voanews.com/content/weekly-news-analysis-myitsone-dam-construction/3283557.html




Print options
Print:
Include Comments (0)
Include images




13.04.2016
ပြဿနာမျိုးစုံ ဒီမြစ်ဆုံ
by ဦးကျော်ဇံသာ



ဒီတပတ် မြန်မာ့မျက်မှောက်ရေးရာ ဆွေးနွေးခန်းအစီအစဉ်မှာ တရုတ်တို့ဘက်က ပြန်လည်စတင်ဖို့ နှပ်ကြောင်းပေးနေတဲ့ မြစ်ဆုံရေကာတာ စီမံကိန်းက ကနဦး အကျိုးဖြစ်ထွန်းခဲ့သူတွေဟာ ပြည်သူလူထုမဟုတ်ဘူး၊ ဒေသခံပြည်သူတွေဆီကိုလည်း ထိုက်သင့်တဲ့ လျော်ကြေးတွေ မရောက်ရှိခဲ့ဘူးလို့ အကြောင်းသိသူတွေက ဆိုပါတယ်။ ဒီစီမံကိန်းဟာ မြန်မာနိုင်ငံအတွက် အကျိုးဖြစ်လေဟန် နိုင်ငံတကာ လော်ဘီတွေ (Lobby) နဲ့ တရုတ်တို့ ၀ါဒဖြန့်လာတဲ့အခါ နားမယောင်မိကြဖို့ကိုလည်း ကျွမ်းကျင်သူတွေက ဆော်သြထားပါတယ်။ စစ်ထောက်လှမ်းရေးအရာရှိဟောင်း ဦးအောင်လင်းထွဋ်၊ သဘာဝပတ်ဝန်းကျင်အရေး တက်ကြွလှုပ်ရှားသူ ဒေါက်တာဝင်းမျိုးသူတို့နဲ့ ဦးကျော်ဇံသာ ဆွေးနွေးသုံးသပ်ထားပါတယ်။

ဦးကျော်ဇံသာ ။ ။ NLD အစိုးရလက်ထက်မှာ အဓိက စိန်ခေါ်နေတဲ့ ပြဿနာထဲမှာ မြစ်ဆုံကိစ္စက ထိပ်ဆုံးက ပါဝင်မယ်လို့ ထင်ပါတယ်။ ဒါကြောင့် မြစ်ဆုံစီမံကိန်းအပေါ်မှာ တရုတ်ဘက်က ဘယ်လို သဘောထားရှိသလဲဆိုတာကို တရုတ်နိုင်ငံ ဆက်ဆံရေးရာ ကျွမ်းကျင်တဲ့ ပညာရှင်တယောက်ကို ပြီးခဲ့တဲ့အပတ်မှာ မေးပြီးတင်ဆက်ခဲ့ပါတယ်။ ဒီကနေ့မှာတော့ မြစ်ဆုံစီမံကိန်းဟာ ဘယ်လို ပေါ်ပေါက်လာသလဲ။ မြန်မာဘက်က သွေးရိုးသားရိုး တိုင်းပြည်အကျိုးအတွက် လက်ခံခဲ့တာလား။ နိုင်ငံတကာမှာ ပစ်ပယ်ခြင်း ခံနေရတဲ့အချိန်မို့လို့ အားမတန် မာန်လျှော့ပြီးတော့ လိုက်လျောခဲ့ရသလား။ တရုတ်က လက်လှိမ်ချိုးပြီး ခိုင်းခဲ့လေသလား ဆိုတာကို သိချင်ပါတယ်။ အဲဒါကြောင့် ဦးအောင်လင်းထွဋ် ကို စပြီးတော့ မေးချင်ပါတယ်။ မြစ်ဆုံစီမံကိန်း စပြီးဖြစ်ခဲ့တာကို အကြမ်းမျဉ်း ပြောပါအုံး။

ဦးအောင်လင်းထွဋ် ။ ။ ခိုင်လုံတဲ့ သတင်းရပ်ကွက်အရ မြစ်ဆုံနဲ့ ပတ်သက်ပြီး စပေါ်လာတာကတော့ ၂၀၀၄ ခုနှစ် ASEAN Summit တခုမှာ ဖြစ်ပါလိမ့်မယ်။ ဗိုလ်ချုပ်မှူးကြီးသန်းရွှေ နဲ့ အဲဒီအချိန်တုန်းက တရုတ်သမ္မတ ဟူးဂျင်တောင်းတို့ အစည်းအဝေးပြင်ပမှာ အလွတ်သဘော တွေ့ဆုံဆွေးနွေးခဲ့တာ ရှိခဲ့ပါတယ်။ ဒါပေမဲ့ အဲဒီအချိန်တုန်းက သမ္မတ လုပ်သွားတဲ့ ဦးသိန်းစိန် က အတွင်းရေးမှူး ဖြစ်ပါတယ်။ အဲဒီအချိန်တုန်းက သမ္မတဟူးဂျင်တောင်း က ဧရာဝတီမြစ်မှာ မြစ်ဆုံဆည်ကြီး ဆောက်ပြီးတော့ လျှပ်စစ်ဓါတ်အားတွေကို တရုတ်ကလည်း ဝယ်မယ်။ ဗမာကို နည်းနည်းပြန်ပေးမယ်ဆိုတာမျိုးနဲ့ တရုတ်ခေါင်းဆောင်က ဗိုလ်ချုပ်မှူးကြီးသန်းရွှေ ကို ကမ်းလှမ်းခဲ့တာ ရှိတယ်လို့ ကျနော် သိရပါတယ်။ အဲဒီအချိန် အဲဒီအခါမှာတော့ ဗိုလ်ချုပ်မှူးကြီးသန်းရွှေအနေနဲ့ သဘောတူတယ်လို့ တုံ့ပြန်ခဲ့တဲ့ အနေအထားမျိုး ရှိပါတယ်။ ဒါပေမဲ့ ဧရာဝတီမြစ်မှာ မြစ်ဆုံဆည်ကြီး ဆောက်ပြီးတော့မှ လျှပ်စစ်တွေ ထုတ်ဖို့ပြုဖို့ လုပ်မယ်ဆိုရင် ဗမာပြည်သူပြည်သားနဲ့ မြန်မာနိုင်ငံအတွက် ဘယ်လောက်နစ်နာမယ်ဆိုတာကို နောက်ပိုင်း နားလည်တဲ့အခါမှာ အဲဒီကိစ္စကို အသာလေး Floating မျောထားတဲ့ သဘောမျိုး လုပ်ခဲ့တာ ရှိပါတယ်။ တပြိုင်တည်းမှာပဲ အဲဒီအချိန် အဲဒီကာလက သတိထားမိပါလိမ့်မယ်။ ကျနော်တို့ ရခိုင်ဘက်ကထွက်တဲ့ ဓါတ်ငွေ့ကို ရောင်းတဲ့ကိစ္စမှာ အိန္ဒိယကို ရောင်းမှာလား။ တရုတ်ကို ရောင်းမှာလား မဆုံးဖြတ်ရသေးတဲ့ အနေအထားမျိုး ရှိပါတယ်။ တရုတ်က Proposal တင်ထားတာက ရေနံပိုက်လိုင်းလည်း သွယ်မယ်။ ပိုက်လိုင်းဘေးမှာ ရထားလမ်းအပါ အကုန်လုံး အပြီးအစီးပေါ့ - အဓိကတော့ တရုတ်ပြည်ကနေ ဘင်္ဂလားပင်လယ်အော်အထိ ကုန်းလမ်းထွက်ပေါက် လုပ်တဲ့အနေအထားမျိုးနဲ့ အဲဒီကာလတုန်းက ဗိုလ်ချုပ်မှူးကြီးသန်းရွှေနဲ့ ဆွေးနွေးခဲ့တာ ရှိပါတယ်။ ၂၀၀၇ ခုနှစ်မှာ သံဃာအရေးအခင်း၊ ၂၀၀၈ ခုနှစ်မှာ နာဂစ်မုန်တိုင်း ကျရောက်ခဲ့တဲ့ အတွက်ကြောင့်မို့ မြန်မာနိုင်ငံရဲ့  အစိုးရရဲ့  အခြေအနေဟာ နိုင်ငံတကာရဲ့  အပြစ်တင်တာတွေကို ဝိုင်းပြီးတော့ ခံရတဲ့ အနေအထား ရောက်ခဲ့ပါတယ်။ နောက် ကုလသမဂ္ဂ လုံခြုံရေးကောင်စီမှာ မြန်မာနိုင်ငံကို ဆန့်ကျင်ကန့်ကွက်တဲ့ အဆိုတွေ ရှိခဲ့ပါတယ်။ အဲဒီတချိန်တည်းမှာပဲ တရုတ်နိုင်ငံခြားရေးဝန်ကြီးက ဗိုလ်ချုပ်မှူးကြီးသန်းရွှေကို လာတွေ့ပြီးတော့ ဗမာပြည်ရဲ့  ၂၀၀ရ-၂၀၀၈ က ကမ္ဘာမှာ တော်တော်လေး အရုပ်ဆိုးနေတယ်။ ဒီလို အရုပ်ဆိုးတဲ့အတွက်ကြောင့်မို့ ဗမာပြည်အနေနဲ့ ဆင်ဆင်ခြင်ခြင်နေဖို့ ဆိုတာကို တရုတ်က သတိပေးတဲ့ အနေအထားမျိုး ရှိခဲ့ပါတယ်။ ဒီအစည်းအဝေးမှာ ဗိုလ်ချုပ်မှူးကြီးသန်းရွှေ နဲ့ တရုတ်နိုင်ငံခြားရေးဝန်ကြီးတို့ အနည်းငယ် ကတောက်ကဆ ဖြစ်သွားတယ်လို့ ကျနော်တို့ သိရပါတယ်။ ဒီလိုနဲ့ ၂၀၀၉ ခု၊ မတ်လပိုင်းမှာ ဗိုလ်ချုပ်မှူးကြီးသန်းရွှေရဲ့  မူအရ ငြိမ်းချမ်းရေးလုပ်ထားတဲ့ အဖွဲ့တွေကို နယ်ခြားစောင့်တပ် လုပ်ရမယ်ဆိုပြီး၊ အမိန့်ပေးခဲ့တာ ရှိပါတယ်။ ဒီအထဲမှာ … နဲ့ ကိုးကန့် ဖုန်ကြားရှင်တို့ကို တပ်အင်အားနဲ့ တိုက်ပြီးတော့ မောင်းထုတ်လိုက်ပါတယ်။ ကိုးကန့်ဒေသမှာရှိတဲ့ တရုတ် သုံးလေးသောင်းလောက်က တရုတ်ပြည်ထဲကို ဝင်ပြေးရတဲ့ အနေအထားရှိတယ်။ အဲဒီအချိန်မှာ တရုတ်အစိုးရနဲ့ တော်တော်လေး ဗမာနိုင်ငံအပေါ်မှာ သူတို့ ပြောထားရဲ့ နဲ့ ဒီလို လုပ်ရပါ့မလား။ အထူးသဖြင့်တော့ တရုတ်က နယ်စပ်တည်ငြိမ်ရေးကို အဓိကထား ပြောပါတယ်။ လုပ်ရပါ့မလားဆိုပြီး စိတ်ဆိုးမာန်ဆိုး ဖြစ်တဲ့အတွက်ကြောင့်မို့ ကျနော်တို့ ဗမာပြည်ဘက်က ဗိုလ်ချုပ်ကြီးရွှေမန်း သွားပြီးတော့ တရုတ်ခေါင်းဆောင်တွေနဲ့ တွေ့ပြီးတော့ ရှင်းပြရတယ်။ တောင်းပန်ရတယ်လို့ သိရတယ်။ ဒါပေမဲ့ ဗိုလ်ချုပ်ကြီးရွှေမန်း လာတာကို မကျေနပ်တဲ့အတွက် နောက်ထပ် မင်းတို့ရဲ့  အကြီးအကဲတွေလာခဲ့ဆိုတဲ့ ပြောတာကြောင့် ဗိုလ်ချုပ်မှူးကြီးမောင်အေး ကိုယ်တိုင် တရုတ်ပြည်က ခေါင်းဆောင်တွေနဲ့သွားပြီး တွေ့ရတယ်။ ဗိုလ်ချုပ်မှူးကြီး တွေ့ပြီးတဲ့အချိန်မှာ တရုတ်နဲ့ ပတ်သက်ပြီးတော့က ဒီမြစ်ဆုံကိစ္စကို လက်မှတ်ထိုးပေးခဲ့ရတယ်။ နောက်တခါ ရေနံပိုက်လိုင်းနဲ့ Gas ပိုက်လိုင်းကိစ္စ၊ ရထားလမ်း ဖောက်ဖို့ကိစ္စတွေကို ဗိုလ်ချုပ်မှူးကြီးမောင်အေး လက်မှတ်ထိုးပေးခဲ့ရတဲ့ အနေအထား ရှိခဲ့ပါတယ်။

ဦးကျော်ဇံသာ ။ ။ ဒီနေရာမှာ ပထမတချက်ကတော့ ဗိုလ်ချုပ်မှူးကြီးသန်းရွှေက တရုတ်သမ္မတနဲ့ အာဆီယံကိစ္စမှာ တွေ့တဲ့အခါ အလွတ်သဘောနဲ့ ဒီကိစ္စကို သဘောတူခဲ့တယ်ပေါ့။

ဦးအောင်လင်းထွဋ် ။ ။ မှန်ပါတယ်။

ဦးကျော်ဇံသာ ။ ။ အဲဒီအချိန်မှာ ဒီမြစ်ဆုံလို တာတမံကို ဆောက်လိုက်ရင် ဘယ်လို သဘာဝပတ်ဝန်းကျင် ထိခိုက်မှုတွေ၊ လူမှုရေး ဆိုးပြစ်တွေ ဖြစ်လာနိုင်မယ်ဆိုတာကို ကျွမ်းကျင်သူတွေ ဘယ်သူရဲ့  အကြံဥာဏ်ကို ဘာမှ မယူဘဲ၊ သူ့ဟာသူ သဘောတူခဲ့တာပေါ့နော်။

ဦးအောင်လင်းထွဋ် ။ ။ မှန်ပါတယ်။ အဲဒီအချိန် အဲဒီအခါက ဘယ်သူရဲ့  အကြံဥာဏ်ကို မယူဘဲနဲ့ လွယ်လွယ်လေး ပြောခဲ့တဲ့ အနေအထားမျိုး ဖြစ်ပါတယ်။

ဦးကျော်ဇံသာ ။ ။ နောက်တခုက တကယ် လက်မှတ်ထိုးဖြစ်လာတာက ကိုးကန့်ကိစ္စနဲ့ ပတ်သက်ပြီးတော့ တရုတ်တို့က မကျေနပ်ဖြစ်တဲ့အခါမှာ တရုတ်တို့ကို လိုက်လျောပြီး လုပ်ခဲ့တဲ့ သဘောပေါ့။ အဲဒီအခါမှာ တရုတ်က ပြန်စတောင်းတာလား။ မင်းတို့ကို မကျေနပ်ဘူး။ ဒီဟာတွေ ထိုးမလားဆိုပြီး ပြောသလား။

ဦးအောင်လင်းထွဋ် ။ ။ သူတို့ အကြပ်ကိုင်တဲ့ သဘောမျိုးပဲ တွေ့ပါတယ်။ ငါတို့ ဒါတွေဒါတွေ လိုချင်တယ်။ အစောကြီးကတည်းက တရုတ်က နားပူနားဆာ လုပ်တဲ့ အနေအထားတွေ ရှိပါတယ်။ ဒီအပေါ်မှာ အပေးအယူအနေနဲ့ လက်ခံခဲ့ရတဲ့ အနေအထား ရှိတယ်လို့ ကျနော် သိရပါတယ်။

ဦးကျော်ဇံသာ ။ ။ ဒေါက်တာဝင်းမျိုးသူ … ဗိုလ်ချုပ်မှူးကြီးသန်းရွှေ က ပထမဦးဆုံး ဟူးဂျင်တောင်း ကို သဘောတူခဲ့တာနဲ့ ပတ်သက်ပြီး ဘယ်လို သဘောရပါလဲ။

ဦးဝင်းမျိုးသူ ။ ။ ကျိန်းသေတာကတော့ အဲဒီတုန်းကတော့ ဘယ်သူ့ဘယ်သူကိုမှ တိုင်ပင်တဲ့သဘောရှိဟန် မတူပါဘူး။ နိုင်ငံရေး အနေအထားအရပဲ တရုတ်ကို နိုင်ငံတကာမှာ အကာအကွယ်ပေးတဲ့အတွက် ပေးတာတချက်။ နံပတ်နှစ်အချက်က ကချင်လက်နက်ကိုင် အဖွဲ့အစည်းတွေကိုလည်း မြစ်ဆုံဆောက်ပေးရင် တရုတ်က ပြန်ပြီးတော့ ထိန်းကျောင်းမယ်။ သူ့အကျိုးစီးပွားအတွက် ဒီလိုလဲ တွေးပုံရတယ်။ ကျန်တဲ့အချက်တွေကတော့ သူတို့ ဘာမှ စဉ်းစားတာ မရှိလောက်ပါဘူး။ သို့သော်လဲ ဆည်မြောင်းဦးစီးဌာနကတော့ အရင်တုန်းကတော့ မြစ်ဆုံနားမှာ ရေကာတာကြီးတွေ ဆောက်မယ်။ ဆည်မြောင်းဆောက်ပြီးတော့ မြစ်အောက်ပိုင်းကို ကာကွယ်မယ်ဆိုတဲ့ စီမံချက် အတွေးအခေါ် ရှိခဲ့တယ်ပေါ့။ အဲဒါတွေကို ဗိုလ်ချုပ်မှူးကြီးအနေနဲ့ ကြည့်ပြီးတော့ အကြမ်းမျဉ်း ခေါင်းဆောင်ချင်း တွေ့တဲ့အခါမှာ နိုင်ငံရေး စဉ်းစားချက်တွေကို ပြောတဲ့သဘောနေပါမယ်။ အသေးစိတ်တော့ ကျနော်တို့ မပြောတတ်ဘူး။

ဦးကျော်ဇံသာ ။ ။ ကျနော် တဆက်တည်း မေးချင်တာက ဒီလို စီမံကိန်းတွေကို တိုင်းပြည်ခေါင်းဆောင်တွေအနေနဲ့ ဆုံးဖြတ်ချက်ချမယ်ဆိုရင် နိုင်ငံရေးရှုထောင့်တခုတည်းက မကြည့်ဘဲနဲ့ သဘာဝပတ်ဝန်းကျင်၊ လူမှု့ပတ်ဝန်းကျင်ဘက်က ကြည့်ဖို့ ဘယ်လောက် လိုအပ်ပါလဲ။ ဘယ်လောက် အရေးကြီးပါလဲ။

ဦးဝင်းမျိုးသူ ။ ။ ၁၉၉၄ ကတည်းက ကျနော်တို့ စဉ်ဆက်မပြတ် ဖွံ့ဖြိုးတိုးတက်ရေးမူ Sustainable Development မူဝါဒကို ချမှတ်ပြီးသာဖြစ်တယ်။ အဲဒီတော့ Three Dimensions ဖြစ်တာပေါ့။ အဓိက အချက်ကြီး (၃) ချက် ရှိတာပေါ့။ (၁) စီးပွားရေးအရ အကျိုးအမြတ် ရှိလား။ (၂) ပတ်ဝန်းကျင် တည်ငြိမ်မှုကို ထိခိုက်စေမှာလား။ (၃) လူမှုရေးရာအရ လက်ခံနိုင်လား ဆိုတဲ့ အချက်တွေ ရှိတာပေါ့။ အဲဒါကို တချက်ချင်း အသေးစိတ် ကြည့်ရမယ့်အချက်တွေလည်း အများကြီး ရှိတာပေါ့။ အဲဒီထဲက ဘယ်အချက်ကိုမှ သေချာကြည့်ပုံ မရဘူးပေါ့။ အကြမ်းမျဉ်းတော့ စီးပွားရေးတော့ ကြည့်မှာပေါ့။ စီးပွားရေးအရ တွက်ခြေကိုက်တယ်ပေါ့။ ကျန်တဲ့ ပတ်ဝန်းကျင်အရေးကတော့ မြန်မာနိုင်ငံက အဲဒီတုန်းက ဥပဒေလဲ ရှိမနေဘူး။ EIASIA လုပ်ရမှာလဲ ရှိမနေဘူးဆိုတော့ တရုတ်ဘက်က ဒါကို သဘောကျပုံ ရပါတယ်။

ဦးကျော်ဇံသာ ။ ။ စီးပွားရေး တွက်ခြေကိုက်တယ်ဆိုတဲ့ နေရာမှာ တိုင်းပြည်အတွက် ကိုက်သလား။ သူတို့အတွက် ကိုက်သလားဆိုတာကို ကျနော်တို့ ဒီနေရာမှာ စမ်းစစ်သင့်တယ် ထင်ပါတယ်။ ဦးအောင်လင်းထွဋ် သိသလောက် ပြောပါအုံး။

ဦးအောင်လင်းထွဋ် ။ ။ ကျနော် သိသလောက်တော့ အဲဒီလုပ်ငန်းကို ဘိန်းဘုရင် လောစစ်ဟန်ရဲ့ သား စတီးဗင်လောနဲ့ ဆက်စပ်ပြီးတော့ လုပ်တာရှိပါတယ်။ ၂၀၀၉-၂၀၁၀ ကြတော့ အတွင်းရေးမှူး (၁) က ပြုတ်သွားတယ်။ ဒုတိယသမ္မတ ဗိုလ်ချုပ်ကြီးတင်အောင်မြင့်ဦး နဲ့ စတီးဗင်လောတို့က တပ်မမှူးဘဝလောက်ကတည်းက တော်တော်လေး ရင်းရင်းနှီးနှီးနဲ့ ပေါင်းသင်ပြီးတော့ စီးပွားရေးလုပ်လာတဲ့ အဖွဲ့အစည်းပါ။ တရုတ်ဘက်ကတော့ ဒီမြစ်ဆုံဆည် ဆောက်မယ့်အချိန်မှာ ရွာတွေ ပြောင်းရွှေ့ ရတဲ့ ကိစ္စတွေ အားလုံးအတွက်ကို လျော်ကြေး သန်းရာနဲ့ချီပြီးတော့ ပေးတယ်လို့ ကျနော် သိရပါတယ်။ ဒါပေမဲ့ ပြန်ပြီးတော့ ပေးတာကတော့ ရွာတွေကို … ပဲ ပေးပါလိမ့်မယ်။ ဒီပိုက်ဆံတွေ အများစုက ဗိုလ်ချုပ်ကြီးတင်အောင်မြင့်ဦး နဲ့ အဲဒီအချိန်တုန်းက ဗိုလ်ချုပ်ကြီးသန်းရွှေရဲ့  မိသားစုလက်ထဲကို ရောက်သွားတဲ့ အနေအထားမျိုး ရှိပါတယ်။ ပြန်လှန်မယ်ဆိုရင်တော့ ပြုတ်သွားတဲ့ ဗိုလ်ချုပ်တင်အောင်မြင့်ဦးတို့ အသိဆုံး ဖြစ်ပါလိမ့်မယ်။

ဦးကျော်ဇံသာ ။ ။ အဲဒီ သူတို့ရဲ့  ကိုယ်ရေးအကျိုးစီးပွားအပြင်၊ တိုင်းပြည်အတွက်လဲ တချို့ မှတ်တမ်းတွေမှာ ဘယ်လို တွေ့ရလဲဆိုတော့ ဒီမြစ်ဆုံကထွက်တဲ့ လျှပ်စစ်စွမ်းအား (၉၀) ရာခိုင်နှုန်းကို တရုတ်နိုင်ငံကို နှစ်ပေါင်း (၅၀) ပေးမယ်။ သို့သော်လဲ အဲဒီပေးတဲ့ လျှပ်စစ်စွမ်းအင်ကနေပြီးတော့ အခွန်အကောက်အဖြစ်နဲ့ မြန်မာနိုင်ငံဟာ အားလုံးစုစုပေါင်း သန်းထောင်ပေါင်း (၅၀) လောက် ရမယ်ဆိုပြီးတော့ တချို့ စာရင်းတွေမှာ ဖော်ပြထားပါတယ်။ အဲဒါများ ဘယ်လောက် ဖြစ်နိုင်ပါလဲ။ ဒီကိစ္စကို ကျနော် ဒေါက်တာဝင်းမျိုးသူ ကို မေးချင်ပါတယ်။

ဦးဝင်းမျိုးသူ ။ ။ ဝှက်ဖဲက ဘာလဲဆိုတော့ ဆည်ကနေ လျှပ်စစ်ဓါတ်အား ထုတ်လုပ်ပြီး ရလာတဲ့ ဆည်ဆောက်တဲ့အချိန်မှာ ဆည်ဆောက်တဲ့ကုမ္ပဏီတွေက အကျိုးစီးပွား အရမ်းများပါတယ်။ အကျိုးစီးပွား များတဲ့အခါကြတော့ တဘက်က အမြဲတမ်း လိုအပ်နေတာ ဖြစ်တဲ့အတွက် ဒီတွက်ချက်မှုတွေမှာ မရိုးသားမှုတွေ၊ လက်တလုံးခြား လုပ်တာတွေ ရှိတယ်လို့ ကျနော်တို့က သုံးသပ်ပါတယ်။ Oxford University က ၂၀၁၄ မှာ လုပ်ခဲ့တဲ့ ကမ္ဘာ့မြစ်ကြီး (၂၄၀) ကျော်ကို လေ့လာတဲ့အခါမှာ ဒီဆည်ကြီးတိုင်း ဆည်ကြီးတိုင်းက သူတို့တွက်သလို စီးပွားရေး ပြန်ရနှုန်းက မရှိဘူး။ သူတို့ ပြောသလို (၁၂) ရာခိုင်နှုန်း၊ (၁၀) ရာခိုင်နှုန်း မဖြစ်ဘူး။ တချို့ နေရာမှာ (၄) ရာခိုင်နှုန်းအထိ ကျဆင်းသွားတာတွေရှိတယ်။ အဲဒီတော့ ဒီလို ကြုံတွေ့ရတဲ့အခါမှာ စီးပွားရေးအင်အားနည်းတဲ့ မြန်မာနိုင်ငံလို နိုင်ငံမျိုးမှာ ဆုံးရှုံးမှုက အမျာုးကြီး ဖြစ်တယ်။ လေထဲမှာသာ ရနေပြီးတော့ တကယ် ဘာမှရမှာ မဟုတ်ဘူး။

ဦးကျော်ဇံသာ ။ ။ ဒီ စီမံကိန်းကို ပြည်သူတွေကတော့ ကန့်ကွက်နေကြတယ်။ တရုတ်အစိုးရကတော့ ပြန်စချင်တယ်။ လေသံပစ်နေတယ်။ နိုင်ငံခြားရေးဝန်ကြီး လာတုန်းကလဲ ဒီကိစ္စကို ဆွေးနွေးမှာပဲ။ မြန်မာနိုင်ငံက ကြည့်မယ်ဆိုရင်တော့ ပြည်သူတရပ်လုံးလဲ မလိုလားဘူး။ လူထုကို ကိုယ်စားပြုပြီး တက်လာတဲ့ အစိုးရကလဲ လူထုဆန္ဒနဲ့ ဆန့်ကျင်ပြီးတော့ လုပ်လိမ့်မယ်လို့ မထင်ပါဘူး။ ဆိုတော့ စစ်တပ်အနေနဲ့ တချိန်က စစ်တပ်အကြီးအကဲတွေ စစ်တပ်ကြီးစိုးနေခဲ့တဲ့ ခေတ်မှာ ဒီ စီမံကိန်းကို စတင်ခဲ့တယ်။ လက်ခံခဲ့တယ်ဆိုတော့ စစ်တပ်အနေနဲ့ ဘယ်လို သဘောထားမယ် ထင်ပါလဲ။

ဦးအောင်လင်းထွဋ် ။ ။ ဒီနောက်ပိုင်းမှာ တပ်မတော်အနေနဲ့ တရုတ်နဲ့ အထူးသဖြင့် စစ်ရေးအရ နည်းနည်းလေး တင်းတင်းမာမာ ရှိတဲ့ အနေအထားမျိုး ရှိပါတယ်။ အထူးသဖြင့်တော့ တရုတ်နယ်စပ်မှာရှိတဲ့ တိုင်းရင်းသားလက်နက်ကိုင်များအပေါ်မှာ တရုတ်ရဲ့  ထောက်ခံအားပေးမှုအပေါ်မှာ တပ်မတော်အနေနဲ့ မနှစ်မြိုတဲ့အတွက်ကြောင့်မို့ တပ်မတော်အနေနဲ့ ဒီမြစ်ဆုံဆည်ကိစ္စကို လုံးဝထောက်ခံလိမ့်မယ်လို့ ကျနော် မထင်ပါဘူး။

ဦးကျော်ဇံသာ ။ ။ အဲဒီတော့ စစ်တပ်ကလဲ လက်မခံဘူးဆိုရင် တရုတ်တွေရဲ့  ဒီ စီမံကိန်း ပြန်လည်စတင်ရေးကိစ္စကော ဖြစ်နိုင်ပါသေးလား။ ဘယ်နည်းနဲ့ တရုတ်တွေ ကြိုးစားလာနိုင်မယ်လို့ ထင်ပါလဲ။

ဦးဝင်းမျိုးသူ ။ ။ တရုတ်တွေက သူတို့ရဲ့  လော်ဘီတွေ ပြောနေတာကို ကြည့်ရတာက ကျနော် စောစောကပြောတဲ့ နှစ်ချက်ပဲ (၁) ကောင်းကျိုးနဲ့ ဆိုးကျိုးယှဉ်ရင် ကောင်းကျိုးများတယ်ဆိုတာကို ပြောမယ်။ ပြောတဲ့အခါ တရုတ်တွေ ထွက်ပြောမှာ မဟုတ်ဘူး။ Harvard တို့၊ ပြင်သစ်တို့က ပြောတော့မှာ။ သူတို့တွေ လက်ဝါးစည်းချက် အုပ်ပြီးသွားပြီ။ အဲဒီတော့ ပြည်သူကြားထဲမှာ ကွဲမယ်။ တကယ် ကောင်းကျိုး များတာပဲ။ တွေ့လား နိုင်ငံတကာ အဖွဲ့အစည်းတွေက ထောက်ခံနေတယ်ဆိုတာ ဖြစ်လာမယ်။ ကျနော်တို့က ဒါကို မငြင်းတော့ဘူး ထားလိုက်။ ကျနော်တို့ ကြည့်လိုက်မယ်။ နောက်တချက်က ဘာပြောမလဲဆိုရင် လျှပ်စစ်ထုတ်အား (၉၀) ရာခိုင်နှုန်းကို သူတို့ မယူတော့ဘူး။ ဗမာပြည်ကိုပဲ အကုန်ပေးလိုက်မယ့် ပုံစံမျိုး သူတို့ အကုန်ပြောနေတယ်။ အဲဒီတော့ ပြည်သူက အကြီးအကျယ်ကွဲမယ့် အနေအထား ဖြစ်နေတယ်။ ဒါကြောင့် ကျနော်က ဒီအချက်တွေကို ခဏထားလိုက်အုံး။ ကောင်းကျိုးများတယ်။ ဗမာပြည် ပိုအကျိုးရှိမယ် ထားလိုက်အုံး။ သို့သော်လဲ သူတို့ ပေးထားတဲ့ ကတိကဝတ်ကို ဘယ်လောက် ယုံရမလဲဆိုတဲ့ အချက်ကို ပြည်သူက တိုင်းဖို့လိုတယ်။ ဖြစ်ခဲ့တဲ့ဟာတွေ ပြန်ကြည့် ဘယ်ဟာမှ လက်ပံတောင်းတောင်ပဲကြည့် ကျနော်တို့ ဘယ်လိုမှ မယုံနိုင်ဘူး။ ကတိဖောက်ရင်ကော အဲဒီ ကတိဖောက်တာကို ကျနော်တို့က ဒါကို တွန်းအားပေးပြီးတော့ ထိန်းကျောင်းဖို့ ကျနော်တို့မှာ အင်အားဘာရှိလဲ။ ဖမ်းထားတဲ့ သူခိုးတွေကိုတောင်မှ ထောင်ချပြီး ပြန်လွှတ်ပေးရတဲ့ အနေအထားဖြစ်တယ်။ အဲဒီတော့ ကိုယ့်အိမ်ထဲ နဂါး ဝင်ပြီးရင်တော့ ကိုယ့်မှာ ဖမ်းဖို့က သားရေပင်ပဲ ရှိတယ်။ အဲဒီတော့ ဒါက ကောင်းကျိုးတွေများတာ။ ဗမာပြည် အကျိုးရှိတာနဲ့ စဉ်းစားရမယ့် အချက်တောင် မဟုတ်တော့ဘူး။ ကျနော် မြင်တာက ကျနော်တို့ရဲ့  အချုပ်အခြာ အာဏာပိုင်ဆိုင်မှု အချက်တချက်တည်းကို ဖြတ်ပြီး စဉ်းစားရမယ့်သဘော ရှိတယ်။ ကျနော် စိုးရိမ်တာက တရုတ်တွေက ဒီလို ပြောတဲ့အချိန်မှာ နိုင်ငံရေးသမားတွေ ဝေဝါးမယ်။ ပြည်သူတွေ ဝေဝါးသွားမယ်ဆိုရင် ရလဒ်က တမျိုး ဖြစ်သွားနိုင်တယ်လို့ ကျနော်က ခန့်မှန်းတယ်။

http://burmese.voanews.com/content/weekly-news-analysis-myitsone-dam-construction/3283557.html

Thursday, February 4, 2016

NLD အစိုးရသစ် သံတမန်ထိပ်တန်းရာထူးတွေ အပြောင်းအလဲဖြစ်နိုင်ချေ

http://burmese.voanews.com/content/nld-diplomat-appointed/3176122.html


မြန်မာ

WASHINGTON MYANMAR EMBASSY
WASHINGTON MYANMAR EMBASSY

  • NLD အစိုးရသစ် သံတမန်ထိပ်တန်းရာထူးတွေ အပြောင်းအလဲဖြစ်နိုင်ချေ
မြန်မာနိုင်ငံမှာ အမျိုးသားဒီမိုကရေစီအဖွဲ့ချုပ် NLD ပါတီ ဦးဆောင်တဲ့ အစိုးရတက်လာတော့မှာ ဖြစ်တဲ့အတွက် နိုင်ငံတကာ ရှိနေကြတဲ့ မြန်မာသံအမတ်တွေကိုလည်း မကြာခင်မှာ ပြောင်းလဲပစ်တော့မယ်ဆိုတဲ့ ပြောဆိုမှုတွေ ထွက်လာနေပါတယ်။ အခု ဒေါ်အောင်ဆန်းစုကြည် ဦးဆောင်တဲ့ NLD ပါတီဟာ အစိုးရသစ်ကို ဖွဲ့စည်းတော့မှာပါ။
ဒါကြောင့်လည်း စစ်အစိုးရလက်ထက်ကနေ ဦးသိန်းစိန် အစိုးရအထိ သံအမတ်နဲ့ သံမှူးအများစုကို စစ်တပ်က အရာရှိဟောင်းတွေကိုသာ ခန့်အပ်ခဲ့လေ့ရှိတာကြောင့် လက်ရှိ သံတမန်တွေနေရာမှာ အစိုးရရဲ့ အစိုးရသစ်ရဲ့ ပေါ်လစီတွေကို အကောင်အထည်ဖော်ဆောင်ပေးနိုင်သူတွေနဲ့ အစားထိုး ခန့်အပ်ဖို့လိုတယ်လို့ မြန်မာ သံတမန်ဟောင်းတွေက ပြောပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးပါမယ်။
မြန်မာနိုင်ငံမှာ ဒီမိုကရေစီ အစိုးရလို့ခေါ်တဲ့ ဦးနုအစိုးရကို ၁၉၆၂ ခုနှစ်မှာ ဗိုလ်ချုပ်ကြီးနေ၀င်း အာဏာသိမ်းခဲ့ပြီးတဲ့နောက်ပိုင်း တက်လာတဲ့ အစိုးရတွေ လက်ထက်မှာ မြန်မာနိုင်ငံက သံတမန်တွေရဲ့ အရည်အချင်းဟာ တဖြည်းဖြည်း ကျဆင်းခဲ့တယ်လို့ သံတမန်ဟောင်းတွေက ပြောပါတယ်။
အထူးသဖြင့်တော့ ဗိုလ်ချုပ်မှူးကြီးသန်းရွှေဦးဆောင်တဲ့ စစ်အစိုးရနောက်ပိုင်း Diplomatic Protocol လို့ခေါ်တဲ့ သံတမန် ကျင့်ထုံးတွေ၊ Career Diplomat လို့ခေါ်တဲ့ သံတမန် အရည်အချင်းနဲ့ ပြည့်ဝတဲ့ ၀န်ထမ်းတွေ လက်ရှိအချိန်မှာ အတော်လေး နဲပါးလာခဲ့တာပါ။
နိုင်ငံတကာမှာ မြန်မာနိုင်ငံကို ကိုယ်စားပြုပြီးသွားရောက် တာဝန်ထမ်းဆောင်ကြတဲ့ သံတမန်တွေဟာ အစိုးရရဲ့ မူဝါဒတွေကို လိုက်နာ အကောင်အထည်ဖော်ပေးရတဲ့သူတွေ ဖြစ်တဲ့အတွက်လည်း လက်ရှိတာဝန်ထမ်းဆောင်နေကြတဲ့ သံအမတ်တွေ၊ တခြား သံအရာရှိတွေကို အစားထိုးခန့်အပ်ဖို့ NLD ပါတီဥက္ကဋ္ဌ ဒေါ်အောင်ဆန်းစုကြည်က စီစဉ်နေတယ်ဆိုတဲ့ သတင်းတွေ ထွက်လာနေတာပါ။
ဒေါ်အောင်ဆန်းစုကြည်က ပြောင်းလဲပစ်ချင်တယ်လို့ သတင်းထွက်နေတဲ့ သံအမတ်တွေ၊ သံအရာရှိတွေဟာ တကယ် ပြောင်းလဲပစ်သင့်တဲ့သူတွေဖြစ်တယ်လို့ အမေရိကန်နိုင်ငံ၊ ၀ါရှင်တန်ဒီစီမြို့မှာ သံမှူးကြီးအဖြစ် တာဝန်ထမ်းဆောင်ခဲ့တဲ့ ဦးအောင်လင်းထဋ်က ပြောပါတယ်။
“အခု သူ ပြောင်းမယ်ဆိုတဲ့ ၁၁ ယောက် ကျနော် Facebook ထဲမှာ တွေ့ပါတယ်။ ဒီ ၁၁ လုံးကလည်း ပြောင်းသင့်ပါတယ်။ ဘာဖြစ်လို့လဲဆိုတော့ အခု ၀ါရှင်တန်မှာရှိတဲ့ သံအမတ်ကြီးဆိုရင်လည်း ထောက်လှမ်းရေးကလာတဲ့ သံအမတ်ကြီးပါ။ စစ်ထောက်လှမ်းရေးအဖွဲ့တွေ ပြုတ်သွားပြီးတဲ့အခါမှာ သူတို့က ဒုတိယဗိုလ်မှူးကြီးအဆင့်နဲ့ နိုင်ငံခြားရေးရုံးကို ပို့တယ်။ ပြီးတော့ အမေရိကားမှာ သံအမတ်ကြီးအနေနဲ့ ခန့်တယ်။ ဗြိတိန်မှာဆိုရင်လည်း ဗိုလ်ချုပ် ဦးကျော်စွာမင်းပေါ့လေ သူကလည်း စစ်ထောက်လှမ်းရေးပါပဲ။ အခုတော့ စရဖ ခေါ်တာပေါ့။ အဲဒီအဖွဲ့တွေ များပါတယ်။ အခု အရေးပါတဲ့ ဂျပန်တို့၊ အင်္ဂလန်တို့၊ ၀ါရှင်တန်တို့၊ နယူးယောက်တို့ အစရှိတဲ့ နိုင်ငံကောင်းတွေမှာရှိတဲ့ သံအမတ်ကြီးတွေကတော့ တကယ့် လူကြီးနဲ့ နီးစပ်တဲ့သူတွေ၊ ထောက်လှမ်းရေးတွေကိုပဲ စေလွှတ်တာ များပါတယ်ခင်ဗျ။ ဒီလူတွေသည် ဖယ်ထုတ်မှသာ ဒေါ်အောင်ဆန်းစုကြည် တကယ့် လုပ်ချင်ကိုင်ချင်တဲ့ ကိစ္စတွေအားလုံးဟာ အဆင်ပြေပါလိမ့်မယ်။ ဒီလူတွေကို ဆက်ပြီးတော့ ခန့်ထားမယ်ဆိုရင် ဒေါ်အောင်ဆန်းစုကြည် ဖော်ဆောင်ချင်တဲ့ ဒီမိုကရေစီနိုင်ငံဆိုတာ ဘယ်လိုမှ မဖြစ်နိုင်ဘူး။”
စစ်အစိုးရလက်ထက်အတွင်း နိုင်ငံတကာကို ထိုးဖောက်ဖို့ဆိုတဲ့ မူအသစ်ချမှတ်ပြီး နိုင်ငံခြားရေးရုံးမှာ စစ်တပ်က အရာရှိတွေကို တာဝန်ပေးတာ၊ သံအမတ်တွေအဖြစ် ခန့်အပ်တာတွေ လုပ်ဆောင်ပြီး ထောက်လှမ်းရေး လုပ်ငန်းတွေ လုပ်ခိုင်းခဲ့တယ်လို့ ဦးအောင်လင်းထွဋ်က ပြောပါတယ်။
“ကျနော်တို့ သံတမန်တွေနဲ့ ပတ်သက်ပြီးတော့မှ ၉၄၊ ၉၅ လောက်က စပြီးတော့မှ နိုင်ငံတကာကို ထိုးဖောက်နိုင်အောင် ဆိုပြီးတော့မှ စစ်တပ်ထဲက နည်းနည်း ပညာတတ်တဲ့သူတွေကို နိုင်ငံခြားရေးရုံး ပြောင်းပြီးတော့မှ နိုင်ငံတကာသံရုံးတွေမှာ တာဝန်ထမ်းဆောင်စေပါတယ်။ လူတွေ အထင်မှားတာက ကျနော်တို့ အဲဒီအချိန်တုန်းကတော့ ကျနော်တို့က စစ်ထောက်လှမ်းရေးပေါ့လေ။ ကျနော်တို့ နိုင်ငံတကာမှာလည်း အမေရိကန်တို့ ဘာတို့က ယာယီအနေနဲ့ ရန်ကုန်မှာ ကောင်စစ်ဝန် အရေခြုံပြီးတော့မှ ရှိတာရှိပါတယ်။ အလားတူပဲ KGB ကလည်း ရုရှားသံရုံးတွေမှာ ရှိပါတယ်။ အဲတော့ ဒီ ထောက်လှမ်းရေး အပိုင်းတွေအနေနဲ့ နိုင်ငံတကာမှာ ထိုးဖောက်လို့ရအောင် ဆိုပြီးတော့မှ ကျနော်တို့ စစ်ထောက်လှမ်းရေးက ဗိုလ်မှူးရဲ့ အထက်ပေါ့လေ အဆင့်ရှိတဲ့သူတွေကို ပထမဦးဆုံး ၄၊ ၅ ယောက်လောက် စပြီးတော့မှ နိုင်ငံခြားရေးရုံးကို ပြောင်းပါတယ်။ ပြောင်းပြီးတော့မှ သံတမန်တွေခန့်ပြီးတော့မှ ကျနော်တို့ ထောက်လှမ်းရေးလုပ်ငန်းပေါ့လေ ကျနော်တို့ လုပ်တာရှိပါတယ်။”
အမေရိကန်ပြည်ထောင်စု Pennsylvania ပြည်နယ်မှာ အခြေချ နေထိုင်နေတဲ့ ဒေါ်ဖြူဖြူဟာ နိုင်ငံခြားရေးရုံးမှာ တာဝန်ထမ်းဆောင်ခဲ့သူ တဦးဖြစ်ပါတယ်။ သူက အစိုးရတွေအနေနဲ့ သံတမန်တွေကို ဘယ်လို ရွေးချယ်ခန့်အပ်လေ့ရှိတယ်ဆိုတာကို အခုလို ရှင်းပြပါတယ်။
“သံတမန်တွေကိုခန့်တဲ့အခါ အရင် ပါလီမန်ဒီမိုကရေစီ လက်ထက်တုန်းကတော့ နိုင်ငံခြားရေးရုံးကနေ သေချာလေ့ကျင့်ပေးထားတဲ့ အရာရှိငယ်ပေါ့ တတိယအတွင်းဝန်၊ ဒုတိယအတွင်းဝန်ရော၊ ပထမအတွင်းဝန်ရော၊ နောက် သံမှူးက အဲ့အထဲကနေ အရည်အချင်းရှိတဲ့သူတွေကို သံအမတ်အနေနဲ့ လွှတ်တာရှိတယ်။ ဒါပေမဲ့လည်း ၀န်ကြီးချုပ်ဦးနုအစိုးရလက်ထက်ကလည်း နိုင်ငံရေးအရ ခန့်အပ်တယ်ဆိုပြီးတော့ နိုင်ငံခြားရေးရုံးက မဟုတ်ဘဲနဲ့ အပြင်ဘက်က သံတမန်ကိစ္စတွေ လုပ်နိုင်တဲ့ အရည်အချင်းပြည့်ဝတဲ့သူ၊ စိတ်ချယုံကြည်ရတဲ့သူကို အဲ့လို ခန့်အပ်တာလည်းရှိတယ်။”
သံတမန်တဦးတွေရဲ့ အရေးပါမှု အခန်းကဏ္ဍကိုလည်း ဒေါ်ဖြူဖြူက အခုလို ဆက်ပြောပါတယ်။
“သံတမန်ဆိုတာ ဘယ်တိုင်းပြည်မှာပဲဖြစ်ဖြစ်၊ အမေရိကန်နိုင်ငံခြားရေးဌာန၊ ဗြိတိန်နိုင်ငံခြားရေးရုံး၊ ဒီမြန်မာပြည်မှာဆိုရင်လည်း နိုင်ငံခြားရေးရုံး အဲဒါ တိုင်းပြည်ရဲ့ ရှေ့တန်းစစ်မျက်နှာမှာ သွားရတဲ့လူတွေ။ ကိုယ့်တိုင်းပြည်ကိုယ်စား မူဝါဒတွေကို စေ့စပ် ညှိနှိုင်း ဆွေးနွေးတတ်ရမယ်။ ပြောတတ်ရမယ်၊ ဆိုတတ်ရမယ်။ အဲတော့ အောင်ဆန်းစုကြည်တက်လာတော့ သူသိပြီ။ သူ ဟိုတလောက ကျမ တွေ့တယ်။ သူ ဌာနတိုင်း၊ ဌာနတိုင်းကို ၀န်ထမ်းတွေ သူ မဖြုတ်ပါဘူး။ သူ ပြောတယ်လေ။ ၀န်ထမ်းတွေ ကြောက်စရာမလိုဘူးဆိုတာ။ အရည်အသွေး၊ အရည်အချင်းရှိအောင် သူ လုပ်မယ်။ ပြီးတော့ သူက ဘာလဲ။ ဒီနိုင်ငံခြားရေးရုံးကိုလည်း သူ စိတ်ဝင်စားတဲ့အတွက်ကြောင့် အရည်အချင်းရှိအောင်လုပ်ပြီးတော့ သူ့မှာလည်း ဦးနုအစိုးရလက်ထက်လိုပဲ နိုင်ငံရေးအရ ခန့်အပ်ပြီး ပို့မယ့်အခြေအနေရှိတယ်လို့ သုံးသပ်ပါတယ်။”
အခုအသစ်တက်လာတဲ့ NLD အစိုးရအနေနဲ့ နိုင်ငံခြားရေးဌာန တခုထဲမဟုတ်ဘဲ တခြားဝန်ကြီးဌာနတွေနဲ့ အစိုးရအုပ်ချုပ်ရေး ယန္တရားကြီးတခုလုံးကို ပြုပြင်ပြောင်းလဲဖို့ လိုအပ်နေတာကြောင့် အချိန်အတော်ကြာ လုပ်ယူရလိမ့်မယ်လို့ မြန်မာ့အရေး လေ့လာသူတွေက ထောက်ပြ ပြောဆိုနေကြပါတယ်။

Tuesday, January 26, 2016

လ၀က၀န်ကြီးဌာန ပြည်ထဲရေးအောက် ထားရှိဖို့အဆိုအပေါ် တုံ့ပြန်မှု

http://burmese.voanews.com/content/fedreal-hluttaw-immigration/3164337.html
  • လ၀က၀န်ကြီးဌာန ပြည်ထဲရေးအောက် ထားရှိဖို့အဆိုအပေါ် တုံ့ပြန်မှု
လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနကို ပြည်ထဲရေးဝန်ကြီးဌာနအောက် ပြောင်းရွှေ့ဖို့ သမ္မတဦးသိန်းစိန်အဆို တင်သွင်းထားတဲ့ အစီအစဉ်ကို ဒီကနေ့ ဗုဒ္ဓဟူးနေ့မှာ ပြည်ထောင်စုလွှတ်တော်မှာ ဥပဒေမူကြမ်းကော်မတီက တင်သွင်းမှာ ဖြစ်ပါတယ်။
ဒါဟာ နိုင်ငံအတွက် အရေးကြီးတဲ့ ကိစ္စရပ်တွေမှာ စစ်တပ်အနေနဲ့ ပိုပြီး လုပ်ပိုင်ခွင့် အာဏာ ရှိစေဖို့ အခုလို လ၀က ကို စစ်တပ်အောက်မှာ ရှိနေတဲ့ ပြည်ထဲရေးဝန်ကြီးဌာနနဲ့ ပူးပေါင်းဖို့ ကြိုးစားတဲ့လုပ်ရပ် ဖြစ်တယ်လို့ ဝေဖန်မှုတွေ ထွက်ပေါ်နေပါတယ်။ အပြည့်အစုံကို မအင်ကြင်းနိုင်က တင်ပြထားပါတယ်။
အခုလွှတ်တော်သက်တမ်းပြီးဆုံးဖို့ ၃ ရက်သာ လိုတော့တဲ့အချိန်မှာ စစ်တပ်ရဲ့လုပ်ပိုင်ခွင့် ပိုရှိစေတဲ့ သမ္မတရဲ့ အဆိုတင်သွင်းလာတဲ့အပေါ် လူအများ စိတ်ဝင်တစား ဖြစ်ခဲ့ကြတာပါ။ ၂၀၀၈ ဖွဲ့စည်းပုံ အခြေခံဥပဒေအရဆိုရင် ပြည်ထဲရေး အပါအ၀င် နယ်စပ်ရေးရာနဲ့ ကာကွယ်ရေးဝန်ကြီးဌာန ၃ ခုကို ကာကွယ်ရေးဦးစီးချုပ်ရဲ့ ထိန်းချုပ်မှုအောက်မှာ ရှိနေတာပါ။
ဒီကနေ့ ပြည်ထောင်စုလွှတ်တော်မှာ တင်သွင်းမယ့် သမ္မတဦးသိန်းစိန်ရဲ့အဆိုကို ဆုံးဖြတ် အတည်ပြုခဲ့မယ်ဆိုရင် ဒေါ်အောင်ဆန်းစုကြည် ဦးဆောင်မယ့် အစိုးရသစ် လက်ထက်မှာလည်း နိုင်ငံရဲ့ အရေးကြီးတဲ့ ကိစ္စရပ်တွေမှာ စစ်တပ်ရဲ့အာဏာ ပိုပြီး အထင်အရှား ရှိနေဦးမှာ ဖြစ်တယ်လို့လည်း မြန်မာ့အရေး အကဲခတ်တွေက သုံးသပ်ကြပါတယ်။ လူဝင်မှုကြီးကြပ်ရေးဝန်ကြီးဌာနဟာ အရပ်သားအစိုးရ လက်အောက်မှာပဲ ရှိသင့်တယ်လို့ မြင်ကြောင်း မြန်မာ့အရေးအကဲခတ်လည်းဖြစ် ထောက်လှမ်းရေးမှူးဟောင်းလည်းဖြစ်တဲ့ ဦးအောင်လင်းထွဋ်က မြင်ပါတယ်။
“လူဝင်မှုကြီးကြပ်ရေး ၀န်ကြီးဌာနဆိုတာက ကျနော်တို့ ၁၉၈၈ ခုနှစ် အရေးအခင်းပြီးတော့ န၀တအစိုးရ စ ဖွဲ့တဲ့အချိန်ကျမှ လူဝင်မှုကြီးကြပ်ရေးဝန်ကြီးဌာနဆိုပြီးတော့ အဲဒီအချိန်တုန်းကတော့ ဗိုလ်ချုပ်ကြီးမောင်လှ စပြီးတော့မှ ဖွဲ့ခဲ့တဲ့ ၀န်ကြီးဌာနပါ။ ဘာဖြစ်လို့ဖွဲ့သလဲဆိုတော့ တရုတ်နဲ့ အိန္ဒိယကြားမှာနေတဲ့ ကျနော်တို့ ဗမာနိုင်ငံရဲ့ လူဝင်မှုကိစ္စတွေကို တားဆီးနိုင်အောင် ကာကွယ်နိုင်အောင်အတွက် ဖြစ်ပါတယ်။ ဒါပေမဲ့ အခု ပြည်ထဲရေးက ယူမယ်ဆိုတဲ့သဘောက တပ်မတော်က သိမ်းပိုက်ချင်တဲ့သဘောမျိုး ဖြစ်ပါတယ်။ ဒီလို ၀န်ကြီးဌာနမျိုးက တကယ့်တကယ်တော့ အရပ်သားအစိုးရရဲ့ လက်အောက်မှာပဲ ရှိသင့်ပါတယ်။”
ရက်ပိုင်းသာရှိတော့တဲ့ လွှတ်တော်သက်တမ်းမှာ သမ္မတဘက်က သူရဲ့အဆိုကို ရုတ်တရက် တင်သွင်းလာတာဟာ မေးခွန်းထုတ် သံသယတွေ ဖြစ်ပေါ်စေတယ်လို့ ဦးအောင်လင်းထွဋ် က ပြောပါတယ်။
“လူဝင်မှုကြီးကြပ်ရေးနဲ့ ပတ်သက်ပြီးတော့မှ အခုလက်ရှိ ဗိုလ်ချုပ်ကြီးသိန်းစိန်တို့ အစိုးရက လျှို့ဝှက်ချက်တွေများ ထားခဲ့သလား ဆိုတာကို သံသယဖြစ်ပါတယ်။ ဘာဖြစ်လို့လဲဆိုတော့ ဒီ ၀န်ကြီးဌာနကို ကျနော်တို့ ကာကွယ်ရေးကို ပေးလိမ့်မယ်ဆိုရင် နောက်တက်လာတဲ့ အစိုးရသစ်အနေနဲ့ လူဝင်မှုကြီးကြပ်ရေး ၀န်ကြီးဌာနမှာ ဘာတွေ ဟိုဒင်းဖြစ်တယ်ဆိုတဲ့ဥစ္စာ သိလာတဲ့အခါမှာ တစုံတခု ပြဿနာဖြစ်မှာ ကြောက်လို့များလားတော့ မပြောတတ်ဘူးခင်ဗျ။ အခုမှ ကောက်ခါငင်ခါ ထပြီးတော့ လုပ်တဲ့ကိစ္စမျိုးလို့ ကျနော် မြင်ပါတယ်ခင်ဗျ။”
၁၉၈၈ ခုနှစ် စစ်အစိုးရလက်ထက် ပြည်ထဲရေးဝန်ကြီးဌာနအောက်မှာ ရှိခဲ့တဲ့ လူဝင်မှုကြီးကြပ်ရေး ဦးစီးဌာနအနေနဲ့  အိမ်နီးချင်းနိုင်ငံတွေနဲ့ နယ်စပ်ရေးရာ ကိစ္စတွေမှာ ခပ်ကြမ်းကြမ်း ကိုင်တွယ်ခဲ့တဲ့ ဖြစ်ရပ်မျိုး ရှိခဲ့တယ်လို့လည်း ဦးအောင်လင်းထွဋ် က ဆိုပါတယ်။ အထူးသဖြင့် ရခိုင်ပြည်နယ်တွင်း ထောက်လှမ်းရေးတွေအနေနဲ့ လူဝင်မှုကြီးကြပ်ရေး ကိစ္စတွေ ဆောင်ရွက်ခဲ့ကြောင်းလည်း ဦးအောင်လင်းထွဋ် က ပြောပါတယ်။
“အဓိကကတော့ ဘင်္ဂါလီပေါ့လေ။ ဘင်္ဂါလီ တားဆီးရေးနဲ့ ပတ်သက်ပြီး လုပ်တဲ့အခါမှာ ၁၉၉၃ ခုနှစ်လောက်မှာ ကျနော်တို့ တပ်မတော် ထောက်လှမ်းရေးက ဦးစီးပြီးတော့မှ န.စ.က ဆိုပြီးတော့ လူဝင်မှုကြီးကြပ်ရေး ယူနီဖောင်း ၀တ်ပြီးတော့မှ ကျနော်တို့ ဖွဲ့ခဲ့တာရှိပါတယ်။ အဲဒီ န.စ.က ဆိုတာကတော့ အဓိကကတော့ ကျနော်တို့ ဘင်္ဂါလီကို တားဆီးရေးဆိုတဲ့ အနေအထားမျိုးနဲ့ ကျနော်တို့ လုပ်ခဲ့တာ ဖြစ်ပါတယ်။ အဲဒီအချိန်တုန်းကပေါ့လေ။ ပွင့်ပွင့်လင်းလင်း ပြောရရင်တော့ တော်တော်လေး ကျနော်တို့ ဖိဖိစီးစီးနဲ့ ကြမ်းကြမ်းတမ်းတမ်း ကျနော်တို့ လုပ်ခဲ့ကိုင်ခဲ့တဲ့ အနေအထားမျိုးတွေ အဲဒီအချိန်မှာ ရှိပါတယ်။ ဒါပေမဲ့ အားလုံးကတော့ အဲဒီအချိန်တုန်းက တပ်မတော် ထောက်လှမ်းရေးအနေနဲ့ မဟုတ်ဘူး။ လ၀က အနေနဲ့ပဲ လ၀က ယူနီဖောင်းဝတ်ပြီးတော့ ဆောင်ရွက်ခဲ့တဲ့ သာဓကတွေ ကျနော်တို့ ရှိပါတယ်။”
လက်ရှိ လွှတ်တော် ကိုယ်စားလှယ်တွေထဲမှာတော့ သမ္မတရဲ့အဆိုနဲ့ပတ်သက်လို့ သဘောထား အမျိုးမျိုးရှိနေတာပါ။ သမ္မတဦးသိန်းစိန်ဟာ သူရဲ့အဆိုကို ဇန်န၀ါရီလ ၂၂ ရက်နေ့ ရက်စွဲနဲ့ ပြည်ထောင်စု လွှတ်တော် နာယကဆီကို ပေးပို့ခဲ့တာ ဖြစ်ပါတယ်။ လူဝင်မှုကြီးကြပ်ရေးလုပ်ငန်း၊ အမျိုးသားမှတ်ပုံတင်ရေးနဲ့ နိုင်ငံသားမှတ်ပုံတင်ရေးလုပ်ငန်း၊ ပြည်သူ့အင်အား စာရင်းကောက်ယူ ထိန်းသိမ်းရေးလုပ်ငန်း စတဲ့ လုပ်ငန်းတာဝန်သုံးရပ်ကို ပိုမို ထိရောက်စွာ ဆောင်ရွက်နိုင်ဖို့နဲ့ ၀န်ကြီးဌာနတွေကို ပိုမို ကျစ်လစ်စွာ ဖွဲ့စည်းနိုင်ဖို့ စတဲ့ ရည်ရွယ်ချက်တွေနဲ့ လူဝင်မှုကြီးကြပ်ရေးဝန်ကြီး ဌာနကို ပြည်ထဲရေးဝန်ကြီးဌာနနဲ့ ပူးပေါင်းဖို့ အဆိုတင်သွင်းတာဖြစ်ကြောင်း သမ္မတရဲ့ကြေညာချက်မှာ ဖော်ပြထားပါတယ်။

Monday, January 25, 2016

ဒေါ်အောင်ဆန်းစုကြည်နှင့် ကာကွယ်ရေးဦးစီးချုပ် တွေ့ဆုံမှုအပေါ်အမြင်တချို့

http://burmese.voanews.com/content/reax-on-a-meeting-between-dassk-and-snr-gen-mal/3162696.html





26.01.2016

ဒေါ်အောင်ဆန်းစုကြည်နှင့် ကာကွယ်ရေးဦးစီးချုပ် တွေ့ဆုံမှုအပေါ်အမြင်တချို့

by အင်ကြင်းနိုင်

မကြာခင်အစိုးရသစ်ကို ဦးဆောင်ဖွဲ့စည်းမယ့် NLD ဥက္ကဌ ဒေါ်အောင်ဆန်းစုကြည်အတွက် တပ်မတော်နဲ့ တိုင်းရင်းသားလက်နက် ကိုင်အဖွဲ့တွေကြား စေ့စပ်ညှိုနှိုင်းပေးရေးဟာ ခက်ခဲတဲ့ စိန်ခေါ်မှုဖြစ်လာလိမ့်မယ်လို့ မြန်မာ့အရေးလေ့လာသူတချို့ကသုံးသပ်ကြပါတယ်။ မနေ့က နေပြည်တော်မှာကျင်းပတဲ့ ဆွေးနွေးပွဲဟာ ဒေါ်အောင်ဆန်းစုကြည်ဦးဆောင်မယ့် အစိုးရသစ်မှာ အရေးပါဆုံးနဲ့ တာဝန်အရှိဆုံးဖြစ်လာမယ့် ပုဂ္ဂိုလ်တွေနဲ့ တပ်မတော်ထိပ်ပိုင်းမှာ အရေးပါတဲ့ ပုဂ္ဂိုလ်တွေရဲ့ တွေ့ဆုံပွဲဖြစ်တယ်လို့လည်း မြင်ကြပါတယ်။ ဒီဆွေးနွေးအပေါ် မြန်မာအရေးအကဲခပ်တချို့ ဘယ်လိုသုံးသပ်ကြသလဲဆိုတာ မအင်ကြင်းနိုင်က စုစည်းတင်ပြမှာပါ။
၂၀၁၅ ရွေးကောက်ပွဲမှာ အပြတ်အသတ်အနိုင်ရခဲ့တဲ့ အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်နဲ့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့ရဲ့မနေ့က ဒုတိယအကြိမ်မြောက်ဆွေးနွေးပွဲထူးခြားချက်ကတော့ အရင်ပထမအကြိမ်ကလို သူတို့နှစ်ဦးတည်းမဟုတ်တော့ပဲ သူတို့ရဲ့အနီးကပ်ဆုံး အရေးပါတဲ့ အခြားတာဝန်ရှိသူတွေပါဝင်လာတာဖြစ်ပါတယ်။ ဒါနဲ့ပတ်သက်လို့ အမေရိကန်ပြည်ထောင်စုအခြေစိုက် မြန်မာ့နိုင်ငံရေးအကဲခပ် ဒေါက်တာတင့်ဆွေကအခုလိုသုံးသပ်ပါတယ်။
“ဒေါ်အောင်ဆန်းစုကြည်ဘက်ကိုကြည့်လိုက်မယ်ဆိုရင် NLD ဗဟိုအလုပ်အမှုဆောင်အဖွဲ့ဝင် (၄)ဦးပါလာတော့ ဒီပုဂ္ဂိုလ်တွေဟာ လက်ရှိအနေအထားအရ ဒေါ်အောင်ဆန်းစုကြည်ပြီးရင်တာဝန်အရှိဆုံးခေါင်းဆောင်တွေဖြစ်လာတယ်လို့ကျနော်တို့မြင်ရပါတယ်။ တနည်းအားဖြင့်တချိန်တုန်းက NLDမှာ ဒေါ်အောင်ဆန်းစုကြည်ကလွဲရင် ဘယ်သူမှမရှိဘူးလို့အပြစ်ပြောခဲ့တဲ့သူတွေ ဒီကနေ့မျက်ဝါးထင်ထင်တွေ့ရပါပြီ။ နောက်ထပ်လဲပဲ အလားတူခေါင်းဆောင်တွေရှိတယ်လို့ကျနော်ယူဆပါတယ်။”
အလားတူ တပ်မတော်ဘက်ကလည်း ကာကွယ်ရေးဦးစီးချုပ်ပြီးရင် စစ်ရေးအရအထူးတာဝန်အရှိဆုံး ဒုတိယဗိုလ်ချုပ်မှူးကြီးစိုးဝင်းအပြင် တပ်မတော်ဘက်မှာ အရေးပါတဲ့ခေါင်းဆောင်တွေပါဝင်နေတာပါ။ ဒီအပေါ်မှာ မြန်မာ့စစ်ရေးအကဲခပ်လည်းဖြစ် ထောက်လှမ်းရေးမှူးဟောင်းလည်းဖြစ်တဲ့ ဦးအောင်လင်းထွဋ်ရဲ့အမြင်ကတော့
“ဒုတိယဗိုလ်ချုပ်မှူးကြီး စိုးဝင်းဆိုရင် ဒုတိယကာကွယ်ရေးဦးစီးချုပ်၊ သူသည်တပ်မတော်ရဲ့စစ်ရေးစစ်ရာကိစ္စတွေမှာ အထူးတာဝန်ရှိတဲ့ ပုဂ္ဂိုလ်ဖြစ်ပါတယ်။ ဒုတိယဗိုလ်ချုပ်ကြီးကျော်ဆွေကတော့ နယ်စပ်ဒေသ၀န်ကြီးနဲ့ စစ်ဦးစီး အရာရှိချုပ်တာဝန်ယူထားသူဖြစ်ပါတယ်။ တပ်မတော်ပိုင်းဆိုင်ရာမှာ ကြည်းတပ်၊ ရေတပ်၊ လေတပ် နောက်ကျန်တဲ့လက်ရုံးတပ်ဖွဲ့တွေအားလုံးကသူဆီကတဆင့်ဗိုလ်ချုပ်မှူးကြီးမင်းအောင်လှိုင်ဆီကိုသတင်းပို့ရပါတယ်။ နောက်ဒုတိယဗိုလ်ချုပ်ကြီးမြတ်ထွန်းဦး ကတော့တပ်မတော်ထောက်လှမ်းရေးအရင်ကပေါ့လေ၊ အခုတော့စရဖလို့ခေါ်ပါတယ်။ တပ်မတော်ထောက်လှမ်းရေးအပိုင်းကလည်း အခုလက်ရှိငြိမ်းချမ်းရေးလုပ်ငန်းစဉ်တွေမှာအဓိကတာဝန်ရှိပါတယ်။ ဒါနဲ့ပတ်သက်လို့ ဗိုလ်ချုပ်မှူးကြီးမင်းအောင်လှိုင်ကို တိုက်ရိုက်အစီရင်ခံနေရတာဖြစ်ပါတယ်။ နောက်တယောက်က စစ်ဥပဒေချုပ် ဒုတိယဗိုလ်ချုပ်ကြီးရဲအောင်ပါ။ သူကတော့ လက်တွေ့ကျကျပေါ့လေ။ ငြိမ်းချမ်းရေးလုပ်ငန်းစဉ်ထဲမှာပါဝင်ပြီးတော့မှဆွေးနွေးနေတဲ့အနေအထားကိုတွေ့ရပါတယ်။ ဒါကြောင့်မို့လိုအခုဆွေးနွေးပွဲမှာ ဟိုဘက်လေးယောက် ဒီဘက်လေးယောက်တွေ့တဲ့အနေအထားက ဗိုလ်ချုပ်မှူးကြီးမင်းအောင်လှိုင်ရဲ့လက်ထောက်တွေနဲ့ ဒေါ်အောင်ဆန်းစုကြည်ရဲ့လက်ထောက်တွေနဲ့ပေးပြီးတွေ့ဆုံတဲ့ပွဲဖြစ်တယ်လို့မြင်ပါတယ်။”
အခုလိုဒုတိယအကြိမ်နှစ်ဘက်တွေ့ဆုံဆွေးနွေးပွဲမှာ နိုင်ငံတွင်းငြိမ်းချမ်းရေးရရှိရေးအတွက် အစိုးရသစ်နဲ့လက်တွဲဆောင်ရွက်ဖို့ကိစ္စတွေဆွေးနွေးခဲ့တယ်လို့ တပ်မတော်ကာကွယ်ရေးဦးစီးချုပ်ရဲ့သတင်းထုတ်ပြန်ချက်မှာ ဖေါ်ပြထားပါတယ်။ ဒေါ်အောင်ဆန်းစုကြည်ဦးဆောင်မယ့်အစိုးရသစ်အတွက်တော့ တိုင်းရင်းသားလက်နက်ကိုင်တပ်ဖွဲ့တွေနဲ့တပ်မတော်ကြား စေ့စပ်ညှိုနှိုင်းရမယ့်ကိစ္စဟာ ကြီးမားတဲ့စိန်ခေါ်မှုကြီးဖြစ်တယ်လို့ ဦးအောင်လင်းထွဋ်ကသုံးသပ်ပါတယ်။
“ဒီငြိမ်းချမ်းရေးကိစ္စတွေမှာတော့ တော်တော်လေးဆွေးနွေးရမယ့်အနေအထားရှိပါတယ်။ ဘာဖြစ်လို့လဲဆိုတော့ တပ်မတော်ကချထားတဲ့ပေါ်လစီကလက်နက်ကိုင် လမ်းစဉ်စွန့်ရမယ်ဆိုတဲ့သဘောထားချမှတ်ထားတာရှိတယ်။ တိုင်းရင်းသားလက်နက်ကိုင်အဖွဲ့တွေကလည်း ဒီဥစ္စာကိုလက်မခံဘူး။ တပ်မတော်ဘက်ကလည်း ကျနော်သိသလောက် တိုင်းရင်းသားလက်နက်ကိုင်အဖွဲ့တွေသည် ကိုယ်ပိုင်ပြဌာန်းခွင့်နဲ့တန်းတူရေးဆိုတဲ့အပေါ်မှာမူတည်ပြီးတော့မှမကျေနပ်လို့လက်နက်ကိုင်ကြတယ်။ ဒီစစ်တပ်ကလည်း တန်းတူရေးနဲ့ကိုယ်ပိုင်ပြဌာန်းခွင့်ကိုညှိုယူလို့ရမယ်ဆိုရင်သေနတ်စွန့်ရမယ်ဆိုတဲ့အနေအထားမျိုးတွေရှိပါတယ်။ ဒီအပိုင်းမှာတော့ ဒေါ်အောင်ဆန်းစုကြည်ဟာ စစ်တပ်နဲ့တိုင်းရင်းသားလက်နက်ကိုင်အဖွဲ့ကြားတွေမှာစေ့စပ်ညှိုနှိုင်းမှုအတော်လုပ်ရပါမယ်။ ဒါဟာဒေါ်အောင်ဆန်းစုကြည်အတွက် အခက်အခဲဆုံးပြဿနာတခုလို့မြင်တယ်။”
မနေ့ကတွေ့ဆုံပွဲမှာ အဓိကဆွေးနွေးခဲ့တဲ့အချက်တွေထဲမှာ အစိုးရသစ်နဲ့တပ်မတော်ကြားပူးပေါင်းဆောင်ရွက်မယ့်ကိစ္စတွေလည်းပါဝင်တယ်လို့ ကာကွယ်ရေးဦးစီးချုပ်ရဲ့ သတင်းထုတ်ပြန်ချက်မှာဖေါ်ပြထားပါတယ်။ ဒါဟာ လက်ရှိ ၂၀၀၈ဖွဲ့စည်းပုံအခြေခံဥပဒေအတိုင်း စစ်တပ်ရဲ့အရေးပါတဲ့အခန်းကဏ္ဍတွေဆက်ပြီးထားရှိဖို့ကိစ္စတွေကို ဆွေးနွေးကြမယ်လို့မြင်ကြောင်း ဒေါက်တာတင့်ဆွေကပြောပါတယ်။ မနေ့က နှစ်ဘက်တွေ့ဆုံပွဲဟာ နှစ်နာရီကြာမြင့်ခဲ့ပြီး NLD ဥက္ကဌ ဒေါ်အောင်ဆန်းစုကြည်နဲ့အတူ ဗဟိုအလုပ်အမှုဆောင်အဖွဲ့ဝင်တွေဖြစ်တဲ့ ဦးဝင်းထိန်၊ ဦးဝင်းမြင့်၊ ဦးဇော်မြင့်မောင်နဲ့ ဒေါက်တာတင်မျိုးဝင်း တို့ တက်ရောက်ကြပြီး ၊တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နဲ့ အတူ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ်(ကြည်း) ဒုတိယဗိုလ်ချုပ်မှူးကြီး စိုးဝင်း၊ ကာကွယ်ရေးဦးစီးချုပ်ရုံး(ကြည်း)မှ ဒုတိယဗိုလ်ချုပ်ကြီး ကျော်ဆွေ၊ ဒုတိယဗိုလ်ချုပ်ကြီး မြထွန်းဦးနှင့် ဒုတိယဗိုလ်ချုပ်ကြီး ရဲအောင် တို့ တက်ရောက်ခဲ့ကြပါတယ်။