Shwe Dagon

Shwe Dagon

Sunday, February 8, 2015

စစ်အစိုးရ နှင့် ကျောင်းသားလှုပ်ရှားမှု





စစ်အစိုးရ နှင့် ကျောင်းသားလှုပ်ရှားမှု

၁၉၉၂ ခုနှစ် အေပြီလ စစ်အာဏာရှင်ကြီး ဗိုလ်ချုပ်မှူးကြီးသန်းရွှေ စတင်တာဝန်ယူချိန်မှစ၍ တိုင်းရင်းသားလက်နက်ကိုင်အဖွဲ့များ၏ညီညွတ်မှု ၊ တိုင်းရင်းသားလက်နက်ကိုင်အဖွဲ့များအတွင်း ညီညွတ်မှု ၊ အတိုက်အခံနိုင်ငံရေးအဖွဲ့များ၏ညီညွတ်မှု ၊ အတိုက်အခံနိုင်ငံရေးအဖွဲ့များအတွင်း ညီညွတ်မှု တို့ကို အကွဲကွဲအပြဲပြဲ ဖရိုဖရဲ ဖြစ်ပြီးညီညွတ်မှုပြိုကွဲသွားစေရန်စိတ်ဓါတ်စစ်ဆင်ရေး ဆောင်ရွက်ရန် လမ်းညွှန်မှုတစ်ခုပြုလုပ်ခဲ့ပါသည်။ အဆိုပါစစ်ဆင်ရေးကို ထောက်လှမ်းရေးအဖွဲ့ အစည်းများမှအဓိက တာဝန်ယူအကောင်အထည်ဖေါ်ပေးခဲ့ကြရပါသည်။အလျဉ်းသင့်၍တင်ပြရလျှင် ထိုစဉ်က လက်ရှိသမ္မတကြီးဦးသိန်းစိန် သည် ဗိုလ်ချုပ်မှူးကြီးသန်းရွှေ၏ အနီးကပ် စစ်ရုံးချုပ် စစ်ဦးစီး ဗိုလ်မှူးကြီး တာဝန်ထမ်းဆောင်နေချိန်ဖြစ်ပါသည်။
၁၉၉၃ ခုနှစ် အမျိုးသားညီလာခံပြုလုပ်ရန်ရည်ရွယ်သည့်အချိန်မှစ၍ ကြံ့ခိုင်ရေးအသင်း ကို ဖွဲ့စည်းခဲ့ပြီး နောက် ကျောင်းသားထုအတွင်း စစ်ဆင်ရေး နှင့် စည်းရုံးရေး ဆောင်ရွက်ရန် တပ်မတော်အတွင်း တက္ကသိုလ်အသီးသီးမှဘွဲ့ရခဲ့သော စစ်ဘက်နယ်ဘက်အရာရှိကြီးများကို ရွေးချယ်၍ တက္ကသိုလ် နယ်မြေ အတွင်း ဆရာနှင့်ကျောင်းသားထုအတွင်း ၀င်ရောက်စည်းရုံးခဲ့ပါသည်။ ကျောင်းဆောင်များကို ပြုပြင်ပေးခြင်း မိတ်ဆုံစားပွဲများကျင်းပပြုလုပ်ခြင်း သက်ကြီးဝါကြီး ဆရာ၊ ဆရာမကြီးများကို ထောက်ပံ့ခြင်း  စသည့်လုပ်ငန်းများဖြင့် စည်းရုံးသိမ်းသွင်ခဲ့သလို အခြားတစ်ဖက်တွင်းလည်း တက္ကသိုလ်နယ်မြေအတွင်း အခြေအနေကိုအပ်ကျသည့်အသံမှစကြားစေရန် အတွင်းသူလှျှိလ်များ (Sleepers) ၊ သတင်းပေးများ (Informers) ကို နည်းမျိုးစုံနှင့်မွေးနိုင်ခဲ့ပါသည်။ ထိုစဉ်က ရည်ရွယ်ချက် မှာ ကျောင်းသားထုအတွင်း စစ်အစိုးရဆန့်ကျင်စိတ်များနည်းပါးသွားစေရန် ရည်ရွယ်ပါသည်။ သို့သော်အောင်မြင်မှုမရခဲ့ပါ။ ကျောင်းသားအများစုသည်ခေတ်အဆက်ဆက် အစိုးရများ၏ လိမ်ညာခဲ့မှုတွေအပေါ် အယုံအကြည်ကင်းမဲ့ခဲ့ကြပြီး ၁၉၉၆ ခုနှစ်တွင် ကျောင်းသား လှုပ်ရှားများ ပြန်လည်ပေါ်ပေါက်ခဲ့ပါသည်။ သို့သော် စစ်အစိုးရအနေဖြင့် အတွင်းသူလှျှိလ်များ (Sleepers) ၊ သတင်းပေးများ (Informers) အကူအညီဖြင့် လက်ဦးမှုရယူပြီး ဦးဆောင်သူများကို ဖမ်းဆီးကာ လမ်းပေါ်ထွက်ကြွေးကြော်သူများကို အခက်အခဲမရှိရှင်းလင်းနိုင်ခဲ့ပါသည်။ ဦးဆောင်သူ အချို့လည်းဆက်လက်မနေရဲခဲ့ကြသဖြင့်နယ်စပ်မှတစ်ဆင့် ပြည်ပသို့ပြေးခဲ့ကြသဖြင့် ၁၉၉၆ ခုနှစ် နောက်ပိုင်းတွင် ကျောင်းသားလှုပ်ရှားမှုသည် သိသိသာသာလျော့ကျသွား ခဲ့ပါသည်။
၁၉၉၆ခုနှစ်နောက်ပိုင်းမှစ၍ ကျောင်းသားနှင့်ပတ်သက်သည့်မူဝါဒ ကို စစ်အာဏာရှင်ကြီး ဗိုလ်ချုပ်မှူးကြီးသန်းရွှေ သည် အမေရိကန်နိုင်ငံဆိုင်ရာဝါရှင်တန်မြို့ မြန်မာသံအမတ်ကြီး အဖြစ်တာဝန် ထမ်းဆောင်ခဲ့သော ကျောက်ဆည်ဇာတိ ဦးသောင်း (လက်ရှိအမတ်) ကို သိပ္ပံနှင့်နည်းပညာ ၀န်ကြီး အဖြစ် ရာထူးအသစ် ခန့်အပ်ကာ တက္ကသိုလ်ကျောင်းများကို ၄င်း၏အကြံပေးချက်ဖြင့် မြန်မာပြည်အနှံ့ တက္ကသိုလ်ကျောင်းများ ပြန့်ကြဲသွားစေရန်ရည်ရွယ်ချက်ဖြင့် အများအပြားဖွင့်လှစ်စေခဲ့ပါသည်။ ကျောင်းတွေသာများခဲ့သောလည်း သင်ကြားမှုအထောက်အကူများပြည့်စုံစွာ ထောက်ပံ့မှုမရှိ သင်ကြားသည့်ဆရာ၊ဆရာမများအရည်အချင်းပြည့်ဝမှုမရှိမှု တို့ကြောင့် မြန်မာနိုင်ငံ၏ ပညာရေးအဆင့်အတန်းသည် နိမ့်သထက်နိမ့်ကျလာခဲ့ပြီး လက်ရှိအခြေအနေနှင့်ကြုံတွေ့ခဲ့ရပါသည်။ စာရေးသူအနေဖြင့်တင်ပြရလျှင် ပညာမတတ်သူများအုပ်ချုပ်နေသော စစ်တစ်ပိုင်းအစိုးရရှိနေသ၍ ပညာရေးကောင်းလာရန် အကြောင်းမရှိပါ။ မိမိတို့သင်ကြားခဲ့သောစစ်တက္ကသိုလ် သည် စစ်ပညာကိုသာ အဓိကသင်ကြားပြီး အတန်းပညာကိုသဘောအနေဖြင့်သာသင်ကြားပြီး ဘွဲ့ရခဲ့သည့် အတွက်တက္ကသိုလ်ကျောင်းသားတစ်ယောက်ကဲ့သို့ ပညာရေးကို မတွေးတတ်သည်ကို လက်ရှိခေါင်းဆောင်များဝန်ခံရပါမည်။ ပညာရှင်အစစ်အမှန်များ၏အကြံဉာဏ်များကိုသာရယူသင့်ပြီး သာပေါင်းပညာရှင်များ၏အကြံဉာဏ်ကိုလက်မခံသင့်ပါ။
လက်ရှိကျောင်းသားလူငယ်များကိုအကြံပြုရလျှင်တော့ လက်ရှိနိုင်ငံရေးပိုင်းကို သမ္မတ အားအကြံပြု နေကြသူများသည် မျက်မှန် ဗိုလ်မှူးချုပ်တင်ဦး ထောက်လှမ်းရေးခေတ် စစ်ထောက်လှမ်းရေး ဟောင်း များဖြစ်ကြသော ဗိုလ်ချုပ်အောင်မင်း ၊ ဗိုလ်မှူးချုပ် တင်နိုင်သိန်း ၊ ဗိုလ်မှူးချုပ် ခင်မောင်စိုး ၊ ဗိုလ်မှူးချုပ် အောင်သိန်း ၊ ဗိုလ်မှူးချုပ် တင်ဦးလွင်တို့ဖြစ်ကြသည်။ ထောက်လှမ်းရေးသမားများ သည် ဉာဏ်နီဉာဏ်နက် အလွန်များပါသည်။ တန်ပြန်ထောက်လှမ်းရေးနည်းနာများလေ့ကျင့်သင်ကြားခဲ့သူ များဖြစ်၍ ကျောင်းသားတွေဘက်မှ အစစ အရာရာ သတိရှိဘို့လို့အပ်ပါသည်။ ဘာတွေ လိုအပ်လည်းဆိုရင်တော့ မိမိတို့ပန်းတိုင် (Goal) မပျောက်ပါစေနှင့် ခြောက်တိုင်းလည်းမကြောက်နှင့် ၊ မြှောက်တိုင်းလည်းမမြောက်နှင့် ၊ စည်းကမ်းရှိပါ ၊  ညီညွတ်ပါ ၊ ပြည်သူ၏မေတ္တာကိုအပြည့်အ၀ရယူပါ၊ တပ်မတော် နှင့် စစ်တပ်အသွင်ပြောင်း ရဲ တပ်ဖွဲ့ မှာ တပ်သား မှ ဒုဗိုလ်မှူးကြီး အဆင့်ရှိသူများ နဲ့ စစ်တပ်ကိုအုပ်စီးထားသော ဗိုလ်မှူးချုပ်နှင့်အထက် ဗိုလ်ချုပ်မှူးကြီး အဆင့်ရှိသူတွေကိုခွဲခြား သိမြင်ပေးပါ။ စည်းရုံးလို့ရရင်စည်းရုံးပါ။ အမျိုးသားခေါင်းဆောင်ကိုမပစ်ပယ်မဆန့်ကျင်နဲ့ နိုင်ငံတကာ ၏ အားသူ့ဆီမှာရှိသည်။ စစ်အစိုးရလက်ထက်ကတည်းက သူမကိုစည်းရုံးနိုင်ရင် သူတို့အောင်ပွဲရမည် ဟုမှတ်ချက်ပြုထားသည်။ တိုင်းရင်းသားတွေ၏အားကိုလည်းယူပါ။ မိမိဘက်မှလည်း ဘယ်လိုပြန်ပြီး အစိုးရ ဘက်တော်သားတွေအတွင်း ထိုးဖေါက်မည့် အစီအအမှန်များရှိသင့်သည်။

နောက်ဆုံး ပြောချင်တာက ကျောင်းသားတွေ၏တောင်းဆိုနေမှုကို အစိုးရကလိုက်ဖြေရှင်းနေပါစေ ကျောင်းသားတွေက အစိုးရ ခိုင်းသည့်နောက်မလိုက်ပါနှင့်။ တောင်းဆိုမှုများ သဘာဝကျပြီး ပြည်သူလူထု ထောက်ခံမှုအရေးကြီးသည်။
`ကျောင်းသားများပြည်သူလူထု၏ အသဲနှစ်လုံးကိုရယူပါ´

အောင်လင်းထွင်္ဋ
ဝါရှင်တန်မြို့

No comments:

Post a Comment