Shwe Dagon

Shwe Dagon

Wednesday, March 19, 2014

ဒီပဲရင်းကိစ္စအလွန်မြန်မာ့နိုင်ငံရေး





                    


 ဒီပဲရင်းကိစ္စအလွန်မြန်မာ့နိုင်ငံရေး


 မြန်မာနိုင်ငံအတွင်းတွင် ၂၀၀၃ ခုနှစ် မေလ(၃၀)ရက်နေ့ ကဖြစ်ပွားခဲ့သော
နိုင်ငံရေးလုပ်ကြံမှုကြီးကို ယနေ့ ထိတိုင် မြန်မာနိုင်ငံသူနိုင်ငံသားများ အမှတ်တရ
ရှိနေကြမည်ဖြစ်ပါသည်။ ၁၉၄ရ ခုနှစ် ဇူလိုင်လ(၁၉)ရက်နေ့  ဗိုလ်ချုပ်အောင်ဆန်း
နှင့်တကွ အာဇာနည်ခေါင်းဆောင်ကြီးများ လုပ်ကြံခံခဲ့ရသည့်နေ့ ပြီးလျှင် ဒီပဲရင်း
လုပ်ကြံမှုကြီးသည် မြန်မာနိုင်ငံအတွက် ဒုတိယအမဲစက်တခု ဖြစ်ပါသည်။  ပို၍ဆိုးသည့်
အချက်မှာ တိုင်းတပါးဧ။်ပရောဂမပါဘဲ ပြည်တွင်းက မြန်မာလူမျိုး အာဏာရှင်ကြီးဖြစ်
သည့် ဗိုလ်ချုပ်မှုးကြီးသန်းရွှေကိုယ်တိုင် စီမံလမ်းညွှန်ခဲ့သည့် နိုင်ငံရေးလုပ်ကြံမှုကြီး
ဖြစ်သည်ဆိုသည့်အချက်ပင်ဖြစ်ပါသည်။

ဗိုလ်ချုပ်မှုးကြီးသန်းရွှေသည် ဒီပဲရင်းအရေးအခင်းပြီးသည့်နောက် ခေါင်းရှောင်သည့်
အနေဖြင့် ၀န်ကြီးချုပ်ရာထူးကို ဗိုလ်ချုပ်ကြီးခင်ညန့် ထံ လွှဲပြောင်းပေးခဲ့သည်။ ထို့ 
နောက် ဗိုလ်ချုပ်ကြီးခင်ညွန့် ကို ဒီပဲရင်းပြဿနာကို ပြည်တွင်းပြည်ပကကျေနပ်သည်
အထိဖြေရှင်းရန် လမ်းညွှန်မှု ပေးခဲ့သည်။ ပြည်ပနိုင်ငံများသို့ ဖြေရှင်းရန်တာဝန်ကို
နိုင်ငံခြားရေးဝန်ကြီးဦးဝင်းအောင်(အကျဉ်းထောင်တွင်းကွယ်လွန်)၊ ဒုတိယနိုင်ငံခြား
ရေးဝန်ကြီးဦးခင်မောင်ဝင်းတို့ အား သီးသန့် တာဝန်ပေးကာ ASEAN နိုင်ငံများနှင့်
အာရှနိုင်ငံများသို့  လှည့်လည်ပြီး Photo Diplomacy ကိုအသုံးပြုကာ ထိုနိုင်ငံများက
ကျေနပ်သည်အထိ လှည့်လည်ရှင်းပြခဲ့ရသည်။ အနောက်နိုင်ငံများကိုမူ သက်ဆိုင်ရာ
သံအမတ်ကြီးများမှတဆင့် ရှင်းလင်းမှုများ လုပ်ခဲ့ကြရသည်။ ပြည်တွင်းတွင်လည်း
ပြည်သူများကျေနပ်စေရန် Road Map (၇)ချက်ကို ချပြပြီး မြန်မာနိုင်ငံဧ။်ထွက်ပေါက်
နိုင်ငံရေးလမ်းကြောင်းကိုချပြခဲ့သည်။

 ဒီပဲရင်းကိစ္စအလွန် ပြည်တွင်း-ပြည်ပက ကျေနပ်မှုရရှိစေရန် ဗိုလ်ချုပ်ကြီးခင်ညွန့် ဧ။်
အဓိကဖြေရှင်းမှုသည် ဒေါ်အောင်ဆန်းစုကြည်ဧ။်နိုင်ငံရေးအခန်းကဏ္ဍပင် ဖြစ်ပါသည်။
ထိုစဉ်ကဖြေရှင်းမှုများတွင် မြန်မာနိုင်ငံဧ။်အနာဂတ်နိုင်ငံရေးတွင် တပ်မတော်သည်
ဒေါ်အောင်ဆန်းစုကြည်ဦးဆောင်သည့် အမျိုးသားဒီမိုကရေစီအဖွဲ့ ချုပ် NLD နှင့် လက်
တွဲလုပ်ဆောင်သွားမည်ဆိုသောအချက်ပင်ဖြစ်ပါသည်။ အဆိုပါအချက်ကို ပြည်ပနိုင်ငံ
များကထောက်ခံခဲ့ကြသကဲ့သို့  ပြည်တွင်းတိုင်းရင်းသားလက်နက်ကိုင်အဖွဲ့ အစည်း
များအပါအ၀င် နိုင်ငံရေးအင်အားစုများကလည်း ကောင်းချီးသြဘာပေးခဲ့ကြပါသည်။
အလာတူးပင် တပ်မတော်အတွင်းမှ အရာရှိအကြပ်တပ်သားများ၊ နိုင်ငံတော်ဝန်ထမ်း
များ၊ ဘုရားသားတော်များ၊ ကျောင်းသားအလုပ်သမားများ၊လယ်သမားများအပါအ၀င်
ပြည်သူလူထုတရပ်လုံးက ၀မ်းသာအားရကြည်နှုးခဲ့ရပါသည်။ ငါတို့ မြန်မာပြည်ကြီး
ဒုက္ခအပေါင်းမှ ကင်းဝေးတော့မည် ဆိုသောမျှော်လင့်ချက်ကြောင့်ပင် ဖြစ်ပါသည်။

ဗိုလ်ချုပ်ကြီးခင်ညွန့် သည် ဒေါ်အောင်ဆန်းစုကြည်အပါအ၀င် NLD ခေါင်းဆောင်များ
နှင့် ညှိနှိုင်းဆွေးနွေးရန်အတွက် ပြည်ထဲရေးဝန်ကြီး ဗိုလ်မှုးကြီးတင်လှိုင်၊ ဒုတိယတပ်မ
တော်ထောက်လှမ်းရေးမှုးချုပ် ဗိုလ်ချုပ်ကျော်ဝင်း၊ တပ်မတော်ထောက်လှမ်းရေးမှုး
ချုပ်ရုံး ဌာနကြီးမှုး ဗိုလ်မှုးချုပ်သန်းထွန်းတို့ အား သီးသန့် တာဝန်ပေး၍ ညှိနှိုင်းစေခဲ့ပါ
သည်။ထိုကဲ့သို့ သောဆောင်ရွက်မှုများကို ဗိုလ်ချုပ်ကြီးခင်ညွန့် အနေဖြင့် တပ်ချုပ်-
ဗိုလ်ချုပ်မှုးကြီးသန်းရွှေထံသို့ နေ့ စဉ် နံနက်(၉)နာရီအချိန်တိုင်း ဒီပဲရင်းပြဿနာဖြေရှင်း
မှုများအဖြစ်တင်ပြအစီရင်ခံပြီးလုပ်ဆောင်ခဲ့ရပါသည်။

အမျိုးသားဒီမိုကရေစီအဖွဲ့ ချုပ်နှင့်ညှိနှိုင်းဆွေးနွေးရာတွင် အဓိကဖြေရှင်းခဲ့ရသည့်အ
ချက်များတွင် ၁၉၉၀ခုနှစ်ရွေးကောက်ပွဲကိစ္စ၊ဖမ်းဆီးထားသည့်နိုင်ငံရေးအကျဉ်းသား
များကိစ္စ၊ အမျုိးသားညီလာခံပါအချက်အလက်အချို့ ကို ပြန်လည်ဆွေးနွေးရေးကိစ္စ
ဆိုသည့် NLD ဘက်ဧ။်အဓိကအချက်များပါဝင်ခဲ့သကဲ့သို့   ဖြစ်ပြီးခဲ့သမျှကိုသင်ပုန်း
ချေရေး၊ တပ်မတော်အား မြန်မာနိုင်ငံရေးတွင် အချိန်ကာလတစ်ခုအထိ ပါဝင်ခွင့်ပေး
ရေး၊စသည့်တပ်မေတာ်ဧ။်သဘောထားဆန္ဒများလည်းပါဝင်ခဲ့ပါသည်။

၁၉၉၀ရွေးကောက်ပွဲနှင့်ပတ်သက်၍ NLD မှ တင်ပြရာတွင် ပြည်သူများကရွေးကောက်
တင်မြှောက်ခဲ့သဖြင့် NLD သည် ရွေးကောက်ပွဲတွင်အနိုင်ရခဲ့သည်ကို တပ်မတော်အစိုး
ရကလည်းအသိအမှတ်ပြုခဲ့ပြီးဖြစ်၍ ၁၉၉၀ခုနှစ်ရွေးကောက်ပွဲကိုပစ်ပယ်မည်ဆိုလျှင်
NLDအနေဖြင့် ပြည်သူလူထုကိုစော်ကားရာသစ္စာဖောက်ရာရောက်မည်ဖြစ်သဖြင့် တပ်
မတော်အစိုးရအနေဖြင့်NLD နှင့်ပြည်သူများအတွက် ၁၉၉၀ခုနှစ်ရွေးကောက်ပွဲရလဒ်ကို
တနည်းနည်းဖြင့်အသိအမှတ်ပြုစေလိုကြောင်း၊ NLDနှင့်ဆက်စပ်၍သော်လည်းကောင်း
မြန်မာနိုင်ငံဒီမိုကရေစီအရေးအတွက်လုပ်ဆောင်ရင်းဖမ်းဆီးခံနေရသူများကို အကျဉ်း
ထောင်အတွင်းမှပြန်လွှတ်ပေးစေလိုကြောင်း၊ အမျုိးသားညီလာခံတွင် အချို့အချက်
များသည် ကျေလည်အောင်ပြန်လည်ဆွေးနွေးရန်လိုအပ်သဖြင့် ဆွေးနွေးခွင့်ပေးစေ
လိုကြောင်း စသည့်အချက်များ ပါဝင်ခဲ့ပါသည်။ တပ်မေတ်ာဘက်မှပြောကြားသည့်
ဒီပဲရင်းကိစ္စနှင့်ပတ်သက်၍ နိ်ုင်ငံတော်အတွက်သင်ပုန်ချေမည်ဆိုပါက NLDအနေဖြင့်
ကန့် ကွက်ရန်မရှိကြောင်း၊ တပ်မတော်ဧ။် မြန်မာနိုင်ငံရေးတွင်အချိန်အတိုင်းအတာတစ်
ခုအထိပါဝင်ခွင့်ပေးရေးကိစ္စကိူမူ အမျိုးသားညီလာခံတွင်ဆက်လက်ဆွေးနွေးရန် ..စ
သဖြင့်လည်းNLDကပြန်လည်ဆွေးနွေးခဲ့ပါသည်။

NLD ဧ။်ဆွေးနွေးချက်များနှင့်ပတ်သက်၍ စေ့စပ်ညှိနှိုင်းရေးအဖွဲ့ သည် ဗိုလ်ချုပ်ကြီး
ခင်ညွန့် နှင့်အတူ ဗိုလ်ချုပ်မှုးကြီးသန်းရွှေဧ။်ရုံးခန်းတွင်းသို့  သွားရောက်သတင်းပို့ ရ
ပါသည်။ စေ့စပ်ညှိနှိုင်းရေးအဖွဲ့ သည် ဒုတိယဗိုလ်ချုပ်မှုးကြီးမောင်အေး၊ ဗိုလ်ချုပ်ကြီး
ခင်ညွန့် တို့ ရှေ့ တွင်ပင် ဗိုလ်ချုပ်မှုးကြီးသန်းရွှေအား NLD ဧ။် ဆွေးနွေးချက်များ သ
ဘောထားများကို အသေးစိတ်ရှင်းလင်းတင်ပြရပါသည်။ အဆိုပါတင်ပြချက်များနှင့်
ပတ်သက်၍ ဗိုလ်ချုပ်မှုးကြီးသန်းရွှေက မူအရသဘောတူကြောင်းနှင့်အသေးစိတ်ဆက်
လက်ဆွေးနွေးရန် ညွှန်ကြားခဲ့ပါသည်။ ဗိုလ်ချုပ်မှုးကြီးသန်းရွှေဧ။်မူအရသဘောတူညီ
ချက်အပေါ်အခြေပြုကာ စေ့စပ်ညှိနှိုင်းရေးအဖွဲ့ သည် NLD နှင့်ဆက်လက်ဆွေးနွေးမှု
များကို ပြုလုပ်ခဲ့ရပါသည်။ ဗိုလ်ချုပ်မှုးကြီးသန်းရွှေဧ။်ခွင့်ပြုချက်အရ NLDခေါင်းဆောင်
များနှင့်ဒေါ်အောင်ဆန်းစုကြည်တို့ လွတ်လွတ်လပ်လပ်တွေ့ ဆုံနိုင်ရေးကို စီစဉ်ဆောင်
ရွက်ပေးခဲ့ပါသည်။

စေ့စပ်ညှိနှိုင်းရေးအဖွဲ့ အနေဖြင့် NLD နှင့်အသေးစိတ်ညှိနှိုင်းဆွေးနွေးပြီးနောက်
ဗိုလ်ချုပ်မှုးကြီးသန်းရွှေကဆက်လက်လမ်းညွှန်ပေးရန် အဖွဲ့ ခေါင်းဆောင် ပြည်ထဲရေး
ဝန်ကြီးဗိုလ်မှုးကြီးတင်လှိုင်က တင်ပြခဲ့ရပါသည်။  ဗိုလ်ချုပ်မှုးကြီးသန်းရွှေသည်
ဒေါ်အောင်ဆန်းစုကြည်၊ ဗိုလ်ချုပ်ကြီးဟောင်းသူရတင်ဦး နှင့် နိုင်ငံရေးအကျဉ်း
သားအချို့ ကို ဦးစွာပဌမလွှတ်ပေးပြီး ကျန်နိုင်ငံရေးအကျဉ်းသားများကို ဆက်လက်
လွှတ်ပေးနိုင်ရေးစီစစ်ရန်နှင့် ၁၉၉၀ခုနှစ်ရွေးကောက်ပွဲကိစ္စအပေါ် တနည်းနည်းဖြင့် အ
သိအမှတ်ပြုနိုင်ရေးကို NLD နှင့်ဆက်လက်ဆွေးနွေးသွားရန်၊ အမျိုးသားညီလာခံတွင်
အခြေခံမှု (၁၀၄)ချက်ထဲမှ အချို့သောအချက်အလက်များကို ပြန်လည်ဆွေးနွေးခွင့်ပြု
မည် ဟု ထိုစဉ်က လမ်းညွှန်ချက်ပေးခဲ့ပါသည်။ ဗိုလ်ချုပ်မှုးကြီးသန်းရွှေဧ။်လမ်းညွှန်
ချက်ကို ဗိုလ်မှုးကြီးတင်လှိုင်၊ ဗိုလ်ချုပ်ကျော်ဝင်း၊ ဗိုလ်မှုးချုပ်သန်းထွန်း ထို(၃)ဦးမှ
ဒေါ်အောင်ဆန်းစုကြည်နှင့်NLDခေါင်းဆောင်များကို ပြန်လည်အသိပေးအကြောင်းပြန်
ကြားခဲ့ပါသည်။

ထိုစဉ်က ဗိုလ်ချုပ်ကြီးခင်ညွန့် သည် စေ့စပ်ညှိနှိုင်းရေးအဖွဲ့ ဝင်များအား ၀မ်းသာအား
ရဖြင့် အမျုိးသားပြန်လည်သင့်မြတ်ရေး ၉၅%တော့ သေချာနေပြီဟု မှတ်ချက်ပြုခဲ့ပါ
သည်။ အဆိုပါစေ့စပ်ညှိနှိုင်းရေးအဖွဲ့ ဝင်များအားလည်း အမှားအယွင်းများမဖြစ်စေရန်
စကားအသုံးအနှုန်းမှအစ အစစအရာရာသတိထားပြီးပြောကြားရန် မှာကြားမှုများရှိခဲ့
ပါသည်။ ထိုမှာကြားမှုအပေါ်  NLD ခေါင်းဆောင်လူကြီးများ ၀မ်းသာမှုများဖြစ်ခဲ့ရသည်
ကိုသိရှိခဲ့ရပါသည်။

သို့ သော်လည်း အမျုိးသားညီလာခံပြန်လည်ကျင်းပရန်ရက်ပိုင်းအလိုတွင် ဗိုလ်ချုပ်
မှုးကြီးသန်းရွှေသည် ဗိုလ်ချုပ်ကြီးခင်ညွှန့်နှင့်စေ့စပ်ညှိနှိုင်းရေးအဖွဲ့ ကိုခေါ်ယူပြီး၊
ယခင်လမ်းညွှန်ချက်များအပေါ်ပြင်ဆင်မှုကို ပြောကြားခဲ့ပါသည်။ ဗိုလ်ချုပ်မှုးကြီးဧ။်
ပြင်ဆင်ချက်မှာ ဒေါ်အောင်ဆန်းစုကြည်နှင့်ဦးတင်ဦးကိုလွှတ်မပေးနိုင်သေးကြောင်း၊
NLD က  ဦးစွာအမျုိးသားညီလာခံပြန်တက်ပေးရန် နှင့် အမျိုးသားညီလာခံတွင်း
NLD ဧ။်ဆွေးနွေးချက်အပေါ်မူတည်ပြီးမှ စေ့စပ်ညှိနှိုင်းရေးအဖွဲ့ မှတဆင့်ပြောကြား
ထားသည့် NLDဧ။်တောင်းဆိုမှုများကို ပြန်လည်စဉ်းစားမည်ဟူသော ပြင်ဆင်ချက်
ပင် ဖြစ်ပါသည်။

ဗိုလ်ချုပ်မှုးကြီးသန်းရွှေဧ။် ထိုပြင်ဆင်ညွှန်ကြားချက်သည် မြန်မာနိုင်ငံသူနိုင်ငံသားများ
အားလုံးဧ။်မျှော်လင့်ချက်ကို နင်းချေဖျက်ဆီးခဲ့ပါသည်။ ထိုစဉ်က တပ်မတော်ထိပ်တိုင်း
ဗိုလ်ချုပ်များပင်လျှင် များစွာမကျေမနပ်ဖြစ်ခဲ့ကြရပါသည်။ ဗိုလ်ချုပ်မှုးကြီး၇ုံးတွင် တာ
ဝန်ထမ်းဆောင်နေသောအရာရှိအကြပ်တပ်သားများပင်လျှင် တိုးတိုးတိတ်တ်ိတ်ဝေဖန်
မှုများရှိခဲ့ကြပါသည်။

အဆိုပါ ဗိုလ်ချုပ်မှုးကြီးသန်းရွှေဧ။်ပြင်ဆင်ညွှန်ကြားချက်ကို ဗိုလ်မှုးကြီးတင်လှိုင် ဗိုလ်
ချုပ်ကျော်ဝင်း ဗိုလ်မှုးချုပ်သန်းထွန်းတို့ မှ ဒေါ်အောင်ဆန်းစုကြည်အား ပြန်လည်ပြော
ကြားခဲ့ရာတွင် ဒေါ်အောင်ဆန်းစုကြည်မှ " ရှင်တို့ စစ်သားတွေ ယောကျာင်္းတွေဖြစ်နေ
ပြီး ဂတိသစ္စာမတည်တဲ့သူတွေ " ဟု မှတ်ချက်ပြုမှုကို ခံခဲ့ရပါသည်။ ဗိုလ်ချုပ်မှုးကြီးဧ။်
လုပ်ရပ်ကြောင့် တပ်မတော်ဆိုသည့် ဂုဏ်သိက္ခာသည် တစ်ပြားသားမျှမကျန်အောင်
ဖြစ်ခဲ့ရပါသည်။

ထိုစဉ်အချိန်အခါ ၂၀၀၄ ခုနှစ်မှစ၍ ယနေ့ အထိ အမျုိးသားပြန်လည်သင့်မြတ်ရေးနှင့်
မြန်မာနိုင်ငံသည် အဝေးကြီးဝေးခဲ့ရပါသည်။ စေ့စပ်ညှိနှိုင်းရေးကိုဦးစားပေးခဲ့သည့်
ဗိုလ်ချုပ်ကြီးခင်ညွန့် နှင့်တစ်ဖွဲ့ လုံးလည်း ဗိုလ်ချုပ်မှုးကြီးသန်းရွှေဧ။်လက်ချက်ကြောင့်
ဘ၀နိဂုန်းချုပ်ခဲ့ရပါသည်။ ဗိုလ်ချုပ်မှုးကြီးသန်းရွှေ စိတ်ပြောင်းလဲသွားရခြင်းသည် 
ဇနီးဖြစ်သူဒေါ်ကြိုင်ကြိုင် နှင့် ဗိုလ်ချုပ်မှုးကြီးဧ။်အခါတော်ပေးဖြစ်သည့်  ကြံ့ခိုင်ဖွံဖြိုးရေး
အတွင်းရေးမှုး ဦးအောင်သောင်းတို့ ကြောင့်ဖြစ်သည်ဆိုသည်ကို အနီးကပ်ရှိနေသူများ
ထံမှတဆင့်ကြားသိရပါသည်။

ယခုနှစ်ဖေဖော်ဝါရီလ(၂၄)ရက်နေ့ရက်စွဲပါ "ဥိးတင်ဦး နှင့် လက်တွေ့ ပြဿနာ၊
ရေးသားသူ-ရန်ငြိမ်းအောင်(လူငယ်) " တွင် အောက်ပါစာပိုဒ်လေး ပါဝင်ပါသည်။
   "သို့သော် ဘဘဦးတင်ဦးကပင်၊ ပဋိပက္ခအသွင်ဆောင်သော ဝိရောဓိတခုသည်
    ရှိနေကြောင်းကို ယခုလ ၂ဝ ရက်နေ့တွင် ဖော်ထုတ်သွားခဲ့ပါသည်။ ဝါရင့်နိုင်ငံ
    ရေးသမားကြီးများနှင့် တိုင်းရင်းသားပါတီများ စုပေါင်း၍ ပြုလုပ်သော ဂုဏ်ပြုပွဲတွင်၊
    ပြန်လည်ကျေးဇူးတင်စကား ပြောရာ၌် ဒီပဲယင်းကိစ္စအပြီး အမျိုးသားညီလာခံ ပြန်
    မခေါ်မီ အခြေအနေများနှင့် ပတ်သက်၍ ယခင်အဖွဲ့ချုပ်ခေါင်းဆောင် မည်သူကမှ
    မဖော်ထုတ်ခဲ့သည်များကို ဘဘက သူ့ထုံးစံအတိုင်း ပွင့်ပွင့်လင်းလင်းပင် ပြောခဲ့ပါ
   သည်။အဓိက အချက်မှာ ထိုစဉ်က ဆွေးနွေးပွဲများ ဖြစ်ခဲ့သည်၊ ထိုဆွေးနွေးပွဲများတွင်
    ဒေါ်အောင်ဆန်းစုကြည်က ဒီဲပဲယင်းကိစ္စကို ခွင့်လွှတ်ကြောင်း နအဖ ဘက်ကို ပြော
    ထားပြီးပြီ၊ ညီလာခံသို့ NLD ပြန်တက်ရန် နှစ်ဖက်သဘောတူပြီးပြီ၊ ထိုစဉ်က
    ပြည်ထဲရေးဝန်ကြီး အပါအဝင် တဖက်ကိုယ်စားလှယ်များ၏ အဆိုအရ၊ ထိုစဉ်က
     ဝန်ကြီးချုပ်ကလည်း ဝမ်းမြောက်ဝမ်းသာ လက်ခံခဲ့ပြီးပြီ။ တရက်အလိုကျမှ တပ်ချုပ်
    က အားလုံးကိုဖျက်ပစ်လိုက်သည်ဟူ၍ဖြစ်ပါသည်။
   ဤတွင် NLD က ထည့်သွင်းစဉ်းစားရမည့် ကွယ်ဝှက်နေသော ပြဿနာတခုကို
   အဖွဲ့ဝင်များ ရှင်းရှင်းကြီး မြင်လာရပါပြီ။ အဖွဲ့ချုပ်က တွေ့ဆုံဆွေးနွေးခြင်းကို
    အခြေခံမူအဖြစ် ရွှေဂုံတိုင် ကြေညာစာတမ်းအထိ မြဲမြံစွာ ကိုင်ထားဆဲဖြစ်သည်။
    သို့သော် တဖက်က အဆုံးအဖြတ်ပေးနိုင်သော ပုဂ္ဂိုလ်သည် တွေ့ဆုံဆွေးနွေးရန်
    စိတ်မဝင်စားရုံမျှမက၊ တွေ့ဆုံဆွေးနွေးရေးရလဒ်ကို ဖျက်ပစ်ပြီး ဝန်ကြီးချုပ်ကို ဖြုတ်
    ပစ်ဖို့ဝန်မလေးပါ။ဤပဋိပက္ခကိုမည်သို့ဖြေရှင်းမည်နည်း။"

စာရေးသူအနေဖြင့်စာဖတ်ပရိဿတ်များကို ပြောကြားလိုသည်မှာ တပ်မတော်အနေဖြင့်
အမျုိးသားပြန်လည်သင့်မြတ်ရေးအတွက် NLD ခေါင်းဆောင်များနှင့်တွေ့ ဆုံခဲ့သည်။
ညှိနှိုင်းခဲ့သည်။ ပြည်သူထဲက ပြည့်သူတပ်မတော်ဖြစ်ချင်သည်။ ပြည်သူသည်သာအမိ
ပြည်သူသည်သာအဖဖြစ်သည်ဟုခံယူထားသည်။လက်ရှိအချိန်တွင်ဖြစ်နေသော ပြဿနာသည်အာဏာယစ်မူးနေသည့်ဗိုလ်ချုပ်မှုးကြီးသန်းရွှေကြောင့်ဖြစ်ပေါ်နေရခြင်းသာဖြစ်သည်ဆိုသောအချက်ဖြစ်ပါသည်။စာရေးသူပြောဆိုလိုသောအချက်ကို ဦးတင်ဦးဧ။်ပြောစကားများကပိုမိုပေါ်လွင်လေးနက်စေခဲ့ပါသည်။
အာဏာရှင်ကိုဖယ်ရှားနိုင်မှသာလျှင်လက်ရှိအာဏာရှင်စနစ်သည်သည် ချုပ်ငြိမ်းပါမည်။
အာဏာရှင်ကိုဖယ်ရှားရန်မှာပြည်ပရှိမျိုးချစ်များထက်ပြည်တွင်းရှိတပ်မတော်သားများက
ပိုမိုလုပ်စွမ်းနိုင်မည်ဖြစ်ပါသည်။

အမျုိးသားပြန်လည်သင့်မြတ်ရေးအတွက် ကျွန်တော်ဧ။် ထိုသုံးသပ်ချက်ကို တပ်မတော်
သားများအနေဖြင့် အလေးအနက်ထားစဉ်းစားပေးစေလိုကြောင်း မေတ္တာရပ်ခံအပ်ပါ
သည်။


ဗိုလ်မှုးအောင်လင်းထွဋ်

၂၀၁၀ခုနှစ်ဖေဖေယ်ဝါရီလ(၂ရ)ရက်









No comments:

Post a Comment