Shwe Dagon

Shwe Dagon

Sunday, February 16, 2014

ကြံ့ဖွတ်ဒုဥက္ကဌ - ၂ သူရဦးအေးမြင့်သို့ ကျမကိုယ်စားပြောပေးပါ





ကြံ့ဖွတ်ဒုဥက္ကဌ - ၂ သူရဦးအေးမြင့်သို့ 
=============================
++++ကျမကိုယ်စားပြောပေးပါ++++++
-----------------------------------------------------------------
ကျမ မြက်တစ်ပင်မစိုက်ဖူးဘူး
ကျမ စစ်မတိုက်ဖူးဘူး။
ကျမ ကြက်ဆူပင်လဲ မစိုက်ဖူးဘူး။

ဘယ်သစ်တောတွေမှ လဲရောင်းမစားဖူးဘူး။
ဘယ်တိုင်းရင်းသားတွေကိုမှ စစ်မခင်းခဲ့ဖူးဘူး။
ဘယ်ညီအကိုတွေကိုမှ မသတ်ခဲ့ဖူးဘူး။

ဘယ်လယ်တွေကိုမှ မတရားမသိမ်းခဲ့ဖူးဘူး။
ဘယ်အိမ်ကိုမှ ဘူဒိုဇာနဲ့ ထိုးမဖျက်ခဲ့ဖူးဘူး။
ဘယ်တောင်တွေကိုမှလဲ ရောင်းမစားခဲ့ဖူးဘူး။
ဘယ်မြစ်ကိုမှလဲ ထိုးမအပ်ခဲ့ဖူးဘူး။

ဘယ်သုံ့ပန်းကိုမှ ခေါင်းသေနတ်နဲ့တေ့မပစ်ဖူးဘူး။
ဘယ်အကျဉ်းသားကိုမှ မနှိပ်စက်ဖူးဘူး
သတ်လဲမသတ်ဖူးဘူး။

ညီအကိုအချင်းချင်းသတ်တဲ့ပွဲမှာ
ဆုတံဆိပ်တွေ ကျမ မရခဲ့ဖူးဘူး။

ကျမကိုယ်မှာ ဘာဒါဏ်ရာမှ မရှိခဲ့ဖူးဘူး။
ကျမရင်ထဲမှာ ဒါဏ်ရာတွေအများကြီးရှိတယ်။

ကျမအဖေရဲ့ ကိုယ်မှာ
သေနတ်ဒါဏ်ရာ ၁၃ ချက်ရှိတယ်။
လွတ်လပ်ရေးအတွက် မှန်ခဲ့တဲ့ ကျည်ဆန်တွေလေ။

ကျမလို အဖမဲ့ဘ၀ ရှင်နေဖူးလား
ကျမလို နိုင်ငံနဲ့အဝေးမှာ အနှင်ခံဘ၀နဲ့
နေခဲ့ဖူးလား
ကျမလို မိသားစုနဲ့ခွဲပြီး ရှင်နေခဲ့ဖူးလား။

ကျမလို တစ်ယောက်ထဲ
ဘာလက်နက်မှ မပါဘဲ ရှင်နေခဲ့ဖူးလား။
လက်ထဲမှာ သေနတ်ကိုင်လို့ သေနတ်မှန်တာဆန်းသလား။

ကျမရခဲ့တဲ့ဆုတံဆိပ်တွေက
ကမ္ဘာကပေးတာ အာဏာရှင်က ပေးတာမဟုတ်ဖူး။
အမုန်းစစ်ခင်းလို့ ရခဲ့တာမဟုတ်ဖူး
မေတ္တာတံတားခင်းလို့ ရခဲ့တာပါ
ကိုယ်ချင်းစာတံတားခင်းလို့ ရခဲ့တာပါ ။

ကျမရွာကို ကျမချစ်တယ်။
ကျမနိုင်ငံကို ကျမပိုချစ်တယ်။

ရေးသားသူ- ကိုဝင်းအောင်(ဇီးကုန်း)
၂၊၁၄၊၂၀၁၄

Kyaw Swar Myints billede.

No comments:

Post a Comment