Shwe Dagon

Shwe Dagon

Thursday, November 14, 2013

လွှတ်တော်နှင့် အစိုးရ အားပြိုင်ရာမှ ပြည်သူတွေ မြေဇာပင်ဘ၀ရောက်ရ



 
 လွှတ်တော်နှင့် အစိုးရ အားပြိုင်ရာမှ ပြည်သူတွေ မြေဇာပင်ဘ၀ရောက်ရ
ယနေ့ မြန်မာ့နိုင်ငံရေးအခြေအနေသည် ဒီမိုကရေစီသို့ လျင်မြန်စွာပြောင်းလဲခဲ့သဖြင့် ဒီမိုက ရေစီအလေ့အထများနှင့် ပြည်သူလူထုမှာမယဉ်ပါးသေးမီမှာပင် ဖွဲ့စည်းပုံပြင်ဆင်ရေး အကြပ်အတည်း ကိုဆိုက်ရောက်လျက်ရှိပေသည်။ ၎င်းအပြင် တိုင်းရင်းသားလက်နက်ကိုင်အဖွဲ့အစည်းများမှာလည်း ဖယ်ထရယ်ကိုအကြောင်းပြပြီး ကိုယ်ပိုင်အုပ်ချုပ်ခွင့်ရလာအောင် ဖွဲ့စည်းပုံအခြေခံဥပဒေတွင်မပါ ၀င်သည့်အခွင့်အရေးများကို တောင်းဆိုလာသဖြင့် MPC မှ ဦးအောင်မင်းကိုယ်တိုင် စိတ်ဓာတ်ကျလျက် ရှိပြီး ရှေ့သို့ဆက်လက်ချီတက်နိုင်ရေး ၎င်း၏အကြံပေးများနှင့်ညှိနှိုင်းပြီး လက်နက်ကိုင်အဖွဲ့များနှင့် အပစ်အခတ်ရပ်စွဲရေးမရမီမှာပင် နိုင်ငံရေးပါတီများနှင့် ပေးတွေ့ရသည့်အခြေအနေသို့ ဆိုက်ရောက် လျက်ရှိပေသည်။
ထိုသို့ အကြပ်အတည်းများနှင့် ဦးသိန်းစိန်အစိုးရအဖွဲ့ ရင်ဆိုင်ကြုံတွေ့နေစဉ်မှာပင် လွှတ်တော် ဥက္ကဌ(၂)ဦးမှာလည်း ရေနစ်သူ ၀ါးကူထိုးမပေးဘဲ နစ်သထက်နစ်အောင်လုပ်ဆောင်လာလျက်ရှိ ပေသည်။ အစိုးရမှ နိုင်ငံဖွံ့ဖြိုးတိုးတက်ရေးအတွက် တင်သမျှစီမံကိန်းများကို လွှတ်တော်ကကန့်သတ် တားမြစ်နေပေသည်။ဦးသိန်းစိန်အစိုးရ ရှေ့သို့ဆက်၍ ခြေမလှမ်းနိုင်ဖြစ်နေပေသည်။ ဦးသိန်းစိန် အစိုးရအနေနဲ့ နိုင်ငံရေးပြုပြင်ပြောင်းလဲမှုတွင် နိုင်ငံတကာမှ အသိအမှတ်ပြုခံရသော်လည်း စီးပွားရေး ပြုပြင်ပြောင်းလဲမှုတွင် ထိရောက်သောအောင်မြင်မှုများမရရှိဘဲ ဖြစ်နေပေသည်။ အစိုးရအနေဖြင့် စီမံကိန်းလုပ်ငန်းများ အကောင်အထည်ဖော်မည်ကြံလိုက် လူထုမှကန့်ကွက်လိုက် ဖြစ်နေသလို လွှတ်တော်မှလည်း ကန့်သတ်တားမြစ်နေသဖြင့် ရှေ့မတိုးနိုင်ဖြစ်နေပေသည်။ ယခုအချိန်သည် လွှတ်တော်အနေဖြင့် အစိုးရအဖွဲ့နှင့် ပူးပေါင်းဆောင်ရွက်သင့်သည့်အချိန် ဖြစ်သော်လည်း ကိုယ်ကျိုးအတ္တ၊ မာန်မာနများကြောင့် လွှတ်တော်မှအစိုးရအဖွဲ့လုပ်ငန်းများအောင်မြင် မှုမရှိအောင် ထိုးနှက်နေပေသည်။ နောက်တစ်ချက်အနေဖြင့် သူရဦးရွှေမန်းသည် တပ်မတော်တွင် ဦးသိန်းစိန်အထက်၌ နေလာရာမှ အရပ်ဘက်အစိုးရသို့ အသွင်းပြောင်းစတွင် ဦးသိန်းစိန်အား သမ္မတ ပေးလိုက်သည့်အတွက် ကြိတ်မနိုင်ခဲမရဖြစ်နေချိန်တွင် ဦးသိန်းစိန်အစိုးရမှလည်း ပြည်ထောင်စုအစိုးရ အဖွဲ့အား အာဏာအလွန်အကျွံပေးထားခဲ့သည်။ လွှတ်တော်ကိုယ်စားလှယ်များအား ခံစားခွင့်များ ထိုက်သင့်သလောက်သာ ပေးအပ်ထားသဖြင့်ဦးရွှေမန်းမှ ထိုအားနည်းချက်ကို အခွင့်အကောင်း ယူကာ လွှတ်တော် ကိုယ်စားလှယ်များကို စည်းရုံးလိုက်သည်။ ၎င်းတို့ဘက်သို့ ပါလာသည့်အခါတွင်အစိုးရအဖွဲ့အား စတင်တိုက်ခိုက်ခဲ့ရာ ဖွဲ့စည်းပုံအခြေခံဥပဒေဆိုင်ရာ ခုံရုံးတစ်ဖွဲ့လုံးနှုတ်ထွက်စေခြင်း၊ အစိုးရဆောင်ရွက်ချက်များအား တားဆီးကန့်သတ်ြခင်းများ ပေါ်ပေါ်တင်တင်လုပ်လာခြင်းတို့အပြင် Right to Recall အား အသက်ဝင်စေမည့်ဥပဒေအား ဆိုင်းငံ့ခြင်းများပြုလုပ်ခဲ့သည်။ 
ယခုအခါ လွှတ်တော်ဝန်ထမ်း ၁၇၀ ဦးအား အစိုးရရာထူးဝန်အဖွဲ့အား အသိမပေးဘဲ ပြောင်ပြောင်တင်းတင်းပင် တစ်ဆင့်မြင့် ရာထူးများတိုးပေးခြင်း၊ သမ္မတ၏လစာခံစားခွင့် သိန်း(၅၀) အစား (၁၅)သိန်းအား သမ္မတမှခံစားသည်ကို ဥပဒေချိုးဖောက်သည်ဟု စွပ်စွဲပြစ်တင်ခြင်းများ ပြုလုပ် လာသည့်အပြင် လွှတ်တော်ကိုယ်စားလှယ်များအား ယခင်(၃)သိန်းကျပ်မှ (၆)သိန်းကျပ်သို့ တိုးမြှင့် ခံစားခွင့်ပြုရန် လွှတ်တော်မှဆောင်ရွက်လာခြင်းများသည် အစိုးရကို မထီမဲ့မြင်ပြုခြင်းဖြစ်သည်ဟု ယူဆရပေသည်။ အမှန်တကယ်(၆)သိန်းကျပ်သာ ခံစားစေပါက ပြည်သူလူထုထံမှ ကောက်ခံရရှိသည့် အခွန်ငွေများကိုဆင်းရဲတွင်းနက်နေသည့် ပြည်သူလူထုအကျိုးစီးပွားအား အသုံးမပြုဘဲ လွှတ်တော် ကိုယ်စားလှယ်များကို တိုးမြှင့်ခံစားစေပါက တစ်လလျှင် ပြည်သူ့ဘဏ္ဍာငွေထဲမှ လစဉ်ကျပ်သိန်း (၂၀၀၀)ခန့် ကုန်ကျစေမည်ဖြစ်ပါသည်။ ပြည်သူ့အကျိုးအတွက် ဆောင်ရွက်နေသော လွှတ်တော် ကိုယ်စားလှယ်များအနေဖြင့် ယူသင့်ပါရဲ့လား စဉ်းစားစေချင်ပါသည်။
လွှတ်တော်နှင့်အစိုးရကြား အာဏာလွန်ဆွဲမှုကြောင့် ကြားထဲမှပြည်သူများအား မြေဇာပင်မဖြစ် စေလိုပါ။ လွှတ်တော်နှင့်အစိုးရ၊ တပ်မတော်၊ ပြည်သူစုံညီစွာဖြင့် အမိမြန်မာနိုင်ငံတော်ကြီး ဒီမိုကရေစီ စနစ်ရှင်သန်အောင် ချီတက်စေလိုကြောင်း ဆန္ဒပြုအပ်ပါသည်။ယခုလက်ရှိ မြန်မာ့နိုင်ငံရေးအနေ အထားသည် အစိုးရအား လွှတ်တော်မှ အတိုင်းအတာတစ်ခုထိ ထိန်းချုပ်နိုင်သော်လည်း ဦးရွှေမန်း ဦးဆောင်သည့် လွှတ်တော်အားထိန်းချုပ်နိုင်သူ ကင်းမဲ့လျက်ရှိပေသည်။ လွှတ်တော်အား ယခုအတိုင်း ထိန်းချုပ်မှုမပြုလုပ်နိုင်ပါက ဒီမိုကရေစီစနစ်သို့ ဦးတည်ချီတက်ရင်း အာဏာရှင်စနစ်သို့ ပြန်လည် ရောက်ရှိသွားစေနိုင်ကြောင်း ရေးသားလိုက်ရပါသည်။




ဘကြီးအောင်

No comments:

Post a Comment